小春為杜德偉行騷震騰騰

陳小春前晚於上海為杜德偉（Alex）的自家品牌時裝騷擔任壓軸嘉賓，首次行騷的小春受訪時自爆緊張到標汗。他謂：「行之前不知道自己要望邊，最後索性不想了，昂然大步挺胸行就算啦！好彩有音樂，如果無音樂，真係騰呀！行完幾分鐘Catwalk，好似唱完半個鐘頭演唱會咁！我又諗如果台下無人畀反應點算呢？又驚有肚腩又驚條褲會甩，哈哈！」
Alex即笑言自家衣服不會甩，加上小春身形甚Fit，令時裝騷生色不少。談到其他好友如曾志偉及鍾鎮濤等投訴無份行騷，Alex說：「下次要幫志偉設計衣服，揀套又短又闊的衣服畀佢，哈哈！」 文：娛樂組