楊明咀高Ling 惹女友呷醋

■楊明慘被高海寧扭耳仔。

無綫新劇《網絡騙案》昨試造型，主要演員楊明、高海寧、黃祥興、姜大衞及陳曉華等以劇中造型出席。劇集《婚姻合伙人》口碑甚佳，楊明跟高海寧喜見能於新劇再續前緣。

楊明跟高海寧繼《婚姻合伙人》再續前緣，但新劇兩人關係為前度。雖然新劇中高海寧已跟黃祥興結為夫婦，但都會跟楊明有曖昧關係。談到《婚》口碑甚佳，楊明說：「之前啲劇太認真，觀眾好耐無睇過輕鬆小品。」劇中兩人有不少咀嘴戲，日前莊思明網上表示不開心。楊明說：「雖然係做演員，但見到另一半拍咀戲點都會有啲嘢嘅。不過佢又無同我講，但佢同高Ling都好熟！」
高海寧險中騙案
新劇以網絡騙案為題，楊明遇過有騙徒要他購買點數卡，但騙徒沒有得逞。高海寧說：「我試過一次係有人扮入境處，要我提供資料畀佢。最後我問爸爸媽媽，爸爸爸好冷靜咁話一定係呃人。」此外，新劇楊明有揸電單車戲分，他坦言曾因拍揸電單車戲炒車而有心理陰影，已要求劇組給予時間練習。
另外，應屆港姐冠軍陳曉華首次拍劇，她希望可跟同劇前輩好好學習。她透露劇情有打鬥戲，現在已加緊操練。問到可對自己的演技有信心？她笑說：「訓練班有學過，都OK嘅，不過都知道拍劇係另一回事。（怕唔怕畀人鬧？）鬧我吖，我OK㗎，以前做嘢都成日畀人鬧。」

文：駱震寧　圖：朱偉彥

■高海寧在新劇中嫁黃祥興，但與前度楊明卻繼續曖昧。 ■姜大衛大受楊玉梅及馬海倫歡迎。 ■陳曉華在劇中有打鬥戲分。 ■新劇《網絡騙案》再由楊明與高海寧拍住上。