鄭中基半邊面無知覺嚇餐飽

鄭中基（Ronald）與方力申昨日到沙田出席電影《POKÉMON神探Pikachu》首映，Ronald太太余思敏和一對仔女都有到場。Ronald和小方分別為Pikachu和人類主角Tim配音，Ronald表示配音當日因為剝牙而打麻醉針，配音時有半邊面還未有感覺，雖不擔心口齒不清，但因沒有知覺，怕咬到口流血及吃熱食不知溫度，幸好順利完成。他又指配音當日仔女都有前往探班，笑言很想兒子為「Pika Pika」這一句配音，因他扮得非常似。
問到一家人是否經常入戲院睇戲？Ronald指兒子怕黑之餘，又曾被戲院的音響聲嚇到，所以入場後都要離去。他說：「那次帶囝囝去睇最鍾意的恐龍，但他都驚到要走，搞到我都無得睇，最後要返屋企陪佢睇碟。」
至於方力申則花了4天才完成配音工作，他表示配音時是看黑白毛片，畫面不清楚，笑指用聲音去感動人原來不容易，並很佩服配音人員，因他們永遠都不見樣，勞苦功高，今次也學到很多。文：黃佩麗　圖：譚志光