毛姐報答細女救命恩人

毛舜筠（毛姐）昨日為已連續8年代言的中藥保健品牌「維特健靈」拍攝新廣告，談到去年獲封金像影后，再續任代言人的酬勞時，毛姐坦言因當年細女染上豬流感要隔離，幸獲品牌董事長陳曦齡醫生無懼受感染救回細女，視對方為恩人，所以即使擔任代言人都是講心唔講金！

毛舜筠連續8年為到中藥保健品牌「維特健靈」擔任代言人，昨日拍攝隊伍於布袋澳拍攝新一輯的廣告。毛舜筠去年榮獲影后再次擔任代言人，問到酬勞可會倍增？毛姐坦言品牌董事長陳曦齡醫生是她的恩人，因此兩人講心唔講金。她說：「陳醫生係我恩人，當年細女患上豬流感，無人敢醫又話要隔離，係陳醫生救番我細女。做代言人係我主動要求，因為諗唔到有咩可以報答，咁當然都有酬勞。」問到可會夥拍女兒拍廣告？她笑說：「陳醫生無呢個要求，亦知道我兩個女唔鍾意做幕前。」
經營曲奇店勁忙
談到工作動向，毛姐坦言現在忙於拍攝廣告及經營曲奇店已忙到不可開交。她笑笑說：「每推出一個新產品都有好多嘢處理。」談到工作如此繁忙，現在選擇劇本是否更謹慎？她說：「一向揀劇本都好謹慎，一部就中，好似《黃金花》及《淪落人》咁。（現在有沒有劇本打動到你？）仲傾緊。」

文、圖：駱震寧