伍姑娘罕有下廚餵飽老公

文：鄺芷瑩
圖：鄧國良

伍詠薇昨日出席美容店開幕活動時，談到10月26日是老公練海棠生日，伍詠薇笑言跟老公初期拍拖經常會互相畀驚喜對方，本身不懂廚藝，多年來都是「外賣夫妻」，以往生日也會邀請一班朋友搞生日，但覺得今年不如在家寧靜度過生日。伍姑娘講笑指自己和老公加埋都「294歲」，並且笑言：「老夫老妻在屋企過二人世界，所以我耍出sukiyuki打邊爐，因為最簡單，由四點鐘happy hour食到十二點。」
問到她生日時可會又選擇在家中度過？伍詠薇自言是雙魚座比較雙性格又愛寧靜，還叫老公乖乖地賺多點錢畀她，但生日想去東京，因為好喜歡到當地吃和購物，雖然很想到歐洲玩，但認為治安未穩定。