汪詩詩專心湊老公 自嘲殘晒

■汪詩詩（右）、汪圓圓姊妹檔出席籌款晚宴。

文：駱震寧 圖：張家宜

「齊惜福慈善籌款晚宴」前晚舉行，一眾城中名人包括朱沃裕與太太朱李月華、江詩詩及江圓圓、郭少明伉儷、鄭明明、張玉珊、周國豐伉儷等齊到場支持。

張玉珊透露第一次擔任籌委，笑指自己籌備時相當混亂，有很多不懂的事要處理，但過程非常開心，因可幫長者們做慈善活動及籌款，目標是打破去年籌得的善款紀錄。
張玉珊呻生活悶
談到近況，張玉珊笑言都是如此，沒有甚麼大突破：「都係咁悶，做生意、做善事。（幾時再做幕前？）唔好喇！我對住鏡頭好差。（有無人搵你？）有嘅，做女強人，覺得做得太似或者唔似都唔好。」張玉珊還透露晚宴上會做朱李月華的副手，一同表演下廚，她自嘲廚藝非常不濟，亦從來沒有增進廚藝。談到感情事，她笑說：「日日都有人問我，唔好逼我啦！隨緣。」
此外，汪詩詩、汪圓圓透露是來支持張玉珊的。圓圓的一對孖仔已2歲，需開始上學前班，而大女則讀2K班，圓圓笑說：「我唔係香港長大，唔知道香港讀書原來係咁緊張，要周圍問朋友。」提到她可以請教家姐，因詩詩滿有經驗，詩詩即笑說：「唔記得晒啦！依家啲仔女都唔太理我，佢哋都有嘢忙，自己又返工，都好少見。」笑指她仍要湊「大BB」即丈夫甄子丹，她笑說：「係啊！（辛苦？）梗係辛苦，你睇我幾殘。最近要電影宣傳，一齊工作好開心。」笑問到若二選一，她會選擇湊丈夫還是孩子？詩詩笑說：「答案好簡單，但我唔會答，因為三個小朋友都已經識聽識睇。」

■朱沃裕與太太朱李月華齊撐齊惜福慈善籌款晚宴。 ■鄭明明（右）、金鈴盛裝出席晚宴。 ■張玉珊自嘲廚藝非常不濟。 ■鄭俊弘、吳若希現身晚宴。