基仔自夸坚挺弹番转头

昔日“新五虎”前晚合体现身红馆，合唱《当年情》，又合力搞笑掀起一片笑声。基仔前晚介绍表演嘉宾出场时，起初提到“今日好难得，上次约得4个，差1个，今日几经辛苦揾齐5个。”然后古天乐、吴家乐、刘恺威和何远恒徐徐升上台，令观众惊喜欢呼。古仔叫兄弟站前少少安全些，笑言那是基仔跌落台的案发现场，基仔即表示：“案发现场就是企前呢个位啦，反而企番后少少安全。”古仔却又笑基仔：“哈！你都好嘢，咁都冇事！坚挺即系坚挺！”基仔反击︰“我巨肌嚟吖嘛！”古仔继续进攻︰“哦，你就系落台𠮶吓靠条巨肌撑撑所以冇事！”基仔乘机自夸︰“系呀，我动L咁弹番转头，哈哈哈！”吴家乐即笑言︰“唔怪得Lorraine跟你咁多年啦！”台上连翻互窒，令台下笑声不断。
笑指钱国伟玩嘢
之后四虎大讲对基仔印象，刘恺威指基仔好湿，何远恒赞基仔是好男人，却被古仔取笑：“即系冇讲嘢啦！我最近睇新闻，你同个咩彩华散咗，系咪𠮶晚我哋约食饭你冇出现，去咗滚所以散？”何远恒即耍手拧头：“唔好讲呢啲啦。”当四虎问观众想听什么歌，观众大叫《男朋友》、《今期流行》，现场即响起《今期流行》的音乐，古仔即指着控制台监制钱国伟大叫：“肥仔，你唔系真系玩嘢呀？！”何远恒、吴家乐更大跳古仔经典拜神舞，观众呼声四起！古仔求大家放他一马：“歌可以唱，舞就唔好逼我跳！我拜神拜咗咁多年，唔好搞我啦！”
昨午拜神颈梗梗
昨午5时半基仔为尾场个唱拜神，未知是否因堕台意外留阴影，他做足仪式，高举3支大香时唸唸有词两分钟，又食烧猪取好意头。伤势未瘉的基仔步履生硬，回望身后也要移动整个身，最初神情严肃，切烧猪时听到大家高呼才稍露微笑；期间古太Lorraine也关心地偷望老公，公司高层霍汶希慰问基仔颈伤，基仔见有歌迷到场打气也亲切挥手。