家燕姐唔嬲 讚網民有創意

文：駱震寧　圖：羅安強

 超級英雄電影《復仇者聯盟3：無限之戰》成為最近熱門話題，網上有大量文章談論劇情。而香港網民向來創意無限，更將反派薩諾斯搶奪幻視額前「心靈寶石」一幕，惡搞成搶奪薛家燕額前的大痣，更指家燕姐擁有第7粒寶石。家燕姐聞言不但不介意，反大讚網民有創意。  前晚《流行經典50年》進行錄影，跟家燕姐提到網民又再次惡搞她的額前大墨。家燕姐笑說：「我有睇到啊！前晚同仔女食飯，尤其大女突然笑到『卡卡聲』。我問咩事，之後佢畀我睇，原來第7粒寶石就係我粒大痣，見到都覺得好笑！」隨後，家燕姐感激網民提醒她有一顆寶石，更解釋寶石由來。她笑說：「粒寶石好細個已經有，當時好細粒，我媽咪諗住同我脫咗佢。但後來搵咗個高人，高人話呢粒係一盞明燈，叫我唔好脫，會照住條路俾我行。」
  此外，溫碧霞百忙中抽空擔任嘉賓，她透露最近忙於籌備《海潮》演唱會，屆時會獻唱多首80、90年代的經典歌唱。而林利年初患上直腸癌，他透露今次是正式復工，現已不需要進行化療，可說是完全康復。他透露已正拍攝新劇《鐵探》，由於都是實景拍攝再加上只有一隊劇組，不會太辛苦。