黃光亮自爆死穴係女人

文：彭形影　圖：張家宜

陳煒、黃光亮與馮盈盈等，昨日出席劇集《果欄中的江湖大嫂》宣傳活動。性感上陣的煒哥自爆在後台遭黃光亮摸腳，她謂：「我有鬧鬼佢，唔好以為佢成日演惡人就真係好惡，其實佢最怕女人。」黃光亮直認女人是其死穴：「女人不能得罪，點知佢哋邊日會做我事頭婆！（你摸煒哥？）我想電佢！點知佢無反應，仲話我對手似沙紙，頂佢個肺呀！哈哈！」黃光亮又笑稱最憎王祖藍，皆因他拍完《老表，你好嘢！》後便沒有人再怕他：「祖藍無陰功呀！搞到我戲路窄咗，唔知仲可唔可以再做番反派呢！」
此外，馮盈盈解釋上圍升Cup只是月事所致，從沒想過對撼煒哥，玩遊戲時更胸壓李天翔。她預告劇中會因哥哥黃嘉樂慘死而爆喊，拍攝時更因喊得太勁致化妝溶掉而NG，雖然日前因小事跟醫生男友嗌交，但對方表明會陪她欣賞這場喊戲。她又控訴男友不受眼淚攻勢，只會等她喊完繼續講道理，認真搞笑！