接演《翻生武林》向星爺致敬 蕭正楠咀陳凱琳：有嘉穎的味道

文：駱震寧 圖：朱偉彥

無綫新劇《翻生武林》昨日舉行宣傳，蕭正楠、陳凱琳（Grace）、湯洛雯及黃智賢等都有出席。談到劇中的接吻戲，阿蕭笑稱Grace有「嘉穎的味道」，Grace亦不甘示弱，笑指阿蕭都有「翠如的味道」，認真搞笑。談到這場吻戲，阿蕭說：「其實個畫面好靚，Grace要倒吊，個樣仲要紅粉緋緋，印象好深刻。」Grace提到日前首次睇92年《家有囍事》，才知道劇中不少場口阿蕭都是參考周星馳來演繹的。阿蕭說：「相信好多人嘅喜劇啟蒙老師係星爺，其實唔單止呢套，之前都有向星爺致敬。」
問到如何渡過元宵節？阿蕭透露要返廠拍劇，Grace就透露已相約「少婦聯盟」眾好姊妹食飯。阿蕭笑說：「其實元宵節又唔一定男女愛嘅，男男愛都得，等我今晚搵阿廉（曹永廉）先！」
另外，湯洛雯透露元宵節都是工作中渡過，坦言最近跟男友羅天宇各有各忙，只是少了傾談而已。她提到4月會到橫店拍攝新劇《包青天》，男友羅天宇亦會同行。她笑言就當作拍拖旅行，因今年都沒有時間。