基仔搵子華神幫口宣布開騷

文：娛樂組

古巨基昨日在社交網上載黃子華為他宣布5月開紅館演唱會的短片，挑起網民好奇何解基仔會請來子華神幫手宣布開騷。基仔昨日回應：「因為佢靚仔嘛，咁緊要嘅事一定要搵個靚仔幫我講，因為佢當旺，電影咁爆票房咁好，我有咁重大嘅事一定要搵佢幫我公布。」基仔亦承認和對方有合作，至於詳情則暫時要賣關子：「係嘅，我同子華係有一個合作，要喺3月份先可以公布，至於內容係乜，唔講得住，詳情好難喺3分幾鐘裏面講晒畀大家知。」
談到7年沒開紅館個唱，基仔更笑言有七年之癢：「好痕呀！七年之癢喇！好期待，今次香港呢個特別版演唱會，最大唔同地方係呢場全部都唱廣東歌，特別為香港訂製。」