古天樂自爆有儲衫癮：一半衫無着過

文：柯景惇

全球首間無衫概念店Mastermind World日前在銅鑼灣開幕，一眾城中型人包括古天樂、王浩然、倪晨曦等冒着寒冷天氣撐場。開始忙拍《家和萬事驚》的古仔，被問有無興趣做時裝生意？他答道：「我較鍾意買衫，可能我少在香港出街，所以出去外地買衫會非常開心，可以自己試衫、買衫、俾錢，感覺好好。（賣衫？）我寧願做一個消費者好過。」古仔謂小時候媽媽會看電視偷師買布做衫給他穿：「所以我自細到大對衫的文化都有情意結。（有無興趣設計衫？）設計都有，有時朋友問，會交流下意見，但無付諸實行。」
古仔自言有儲衫癮，從沒有計過花多少錢買衫，最重要買得心頭好：「我估我有一半衫其實都無着過，因為自己真的好Enjoy買衫的過程，有些更是限量版，不買就無，我好有興趣儲衫。」此外他還喜歡自己執拾衣櫃，將衣服分門別類，屋企樣樣都要整整齊齊。」
倪晨曦宣布將進軍電視圈，準備接拍一部愛情片做女主角，看中劇本有角度有深度，笑謂第一次接劇，不知酬勞算不算高，親熱鏡頭不會去得太盡，事先有向男友備案。