袁偉豪新歡舊愛齊搵銀 張寶兒岑杏賢密密斟不尷尬

張寶兒（左）、岑杏賢身為袁偉豪的新歡與舊愛，同場出席活動坦言不尷尬。

文：駱震寧 圖：鄧國良

 

昨日張寶兒及岑杏賢一同為將軍澳某大型商場活動擔任嘉賓。該商場毫不客氣，以兩人為袁偉豪前任及現任女朋友作招徠，司儀一開始提到商場轉Logo屬「去舊迎新」，玩遊戲又測試兩人是否口味相同。但兩位小妮子全程表現從容，笑容滿面並經常交流。張寶兒笑笑說：「我真係唔覺得尷尬喎！反而身邊嘅人尷尬。」
問到張寶兒收到活動邀請可有感愕然？她說：「唔會喎！都係公司同事，我哋都有碰過面，係今次第一次一齊出席活動。」提到用她們的新聞作招徠，她說：「希望我哋各自都有工作同演出，亦同樣得到人欣賞，我哋相信我哋有呢個價值。」而岑杏賢亦直言不覺尷尬：「真係唔會尷尬。之前影TVB月曆又見過，羅天宇生日我哋都同場。」提到用她們的新聞作招徠，她說：「娛樂新聞我哋控制唔到，唔會因為呢啲新聞影響到。我反而多謝大會，諗到我哋呢一個組合。拍拖係開心事，我祝福佢哋。」

 

對「處女」一說有底綫

 

此外，日前有報道指袁偉豪與張寶兒同遊日本8日，但報道用詞尖酸刻薄，女尊男卑，張寶兒表示：「我屋企人都見過佢（袁偉豪），都覺得佢有承擔、前途亦大有作為。相信佢會畀到幸福、飽足佢屋企同身邊人。佢係一個好好嘅男人！」此外，報道又借題發揮提到「新處女黨」，張寶兒亦是其中一員，她說：「我係基督徒，我好清楚自己嘅底綫，唔可以俾個框框住係唔係處女。有好多底綫更加難堅持。（唔想再有呢類報道？）唔好成為焦點，拍拖有好多嘢去進步同成長。」

袁偉豪 張寶兒、岑杏賢不單見面不尷尬，還密密斟及有肢體接觸。 兩人笑容滿面並經常交流。 寶兒、杏賢還合力完成作品。 商場以前任及現任作招徠，還測試兩人口味是否相同。