梁小冰自詡有神奇女俠DNA

文：Jazz Chow 圖：譚志光

梁小冰前晚現身觀賞歌舞劇《沙漠女皇巴士團》，她透露早前煮食時不慎弄跌大湯碗，撞落腳趾尾，幸沒骨折，故穿波鞋到場，勤於練舞的她亦因傷暫停，並笑稱：「我肥咗，你哋（影相）要高炒，我依家唔可以跳舞，體重維持128.8磅，以前跳足3個鐘可減4磅。」小冰坦言學懂入廚房要穿鞋安全至上，並笑道：「我有神奇女俠DNA，着波鞋都行走自如。」
小冰與袁詠儀（靚靚）日前分別相約回港探親的同屆港姐翁杏蘭吃飯，問此舉是否爭人？小冰解釋：「翁翁以前鍾意給我們驚喜，今次醒少少一早講咗會返來，但我同靚靚都好忙，本來4個一齊食飯先夠圓滿，但夾唔到，總之大家唔好有壓力，到80歲都可以約，我哋都有講希望喺2019年一齊去俄羅斯旅行，到時睇時間啦！友情Keep咗多年好開心，希望可以Keep到80歲。」