阿娇自爆社恐怕见人 阿Sa笑Fans含蓄唔敢大嗌 Twins 25周年见面会玩足5小时

一连两场“Twins 25周年1314新春限定粉丝见面会”昨日（13日）于西沙GO park举行，这次是Twins出道以来首个大型Fans Meeting，别具意义。向来疼锡Twins的经理人霍汶希（Mani）当然有到场见证两个女的重要时刻。而开show前，汤怡（Kathy）神秘现身送上祝贺二人25周年蛋糕。场内亦展出了八套二人历年来的经典舞台服装及头饰，让fans疯狂打卡。

Twins宠粉模式全开

这次FM找来好友“农夫”担任MC，期间，Twins唱出《发梦见过你》、《你最红》、《孖宝668》、《相爱25年》及《忠粉》五首歌，又落台跟fans作超近距离接触，全场high爆！之后同fans玩估歌仔、写挥春游戏，影合照好开心。 唱完《忠粉》后，台下fans举牌点歌，Twins宠粉模式全开，表示︰“好啦！每首唱少少啦。”随即唱《双失情人节》、《黑色喜剧》、《冬令时间》同《天对地》，福利满满。

Twins宠粉模式全开！

汤怡（Kathy）神秘现身送上祝贺二人25周年蛋糕。

阿娇甜笑~

Twins好友农夫担任主持。

大合照时间~

唱吓歌仔倾吓偈。

阿娇自爆有社恐，太接近人会紧张。

玩写挥春游戏。

首场见面会在温馨气结氛下结束。

阿Sa︰“呢度大家系好close，可能咁样就有少少紧张。”

二人逐一跟fans hi bye。

首场见面会在温馨气结氛下结束。

阿Sa肉麻表白

现场播放二人“成长”片段，当看到以前颁奖礼片段时，阿娇感触称：“好多回忆呀！”阿Sa笑说：“好搞笑呀！睇返颁奖礼𠮶啲片，𠮶阵时啲镜头会拍到你哋（fans）㗎嘛，我真系觉得你哋好劲，打锣打鼓。”阿娇：“系呀！成场都系你哋把声。”阿Sa肉麻表白：“其实全场其他歌手啲fans都好劲，但我觉得你哋真系最劲！令到我哋好有面子。”粉丝即刻自动波吹BB，全场歌迷好有默契地嗌阿娇、阿Sa，气氛即时升温。随后阿Sa指十分喜欢这种形式的见面会，趁机叫fans找回当年追星热情，“我觉得呢几年都弱咗少少囉你哋！”阿娇和应，着fans“要揾返个Passion”。阿Sa续说：“你哋要保持个初心㗎嘛！好似我哋咁！要保持个能耐、精神。虽然你哋年纪……我哋都系啦，大家越嚟越大，但系都唔可以‘老兀兀’咁样㗎嘛。”她指以前手机不普及，故fans追星份外投入，然后又问：“可唔可以变返以前呀？”全场即时大叫不停，阿Sa最后话：“嗱！以后记住我哋去到边度都要咁呀，勿忘初心呀！”

阿娇感触

临完场前，二人再分享感受，阿娇先说：“首先好多谢大家一路以嚟咁支持我哋，有一啲追随咗二十五年，一直喺度，有啲系新嘅，有啲系中间加入，虽然我哋唔系成日都可以见面，我哋都会挂住大家，希望以后多啲呢啲线下嘅活动，等你哋唔好望穿抽水。”随后自爆有社恐，太接近人会紧张，“但系今日我冇，呢个场地真系好warm，我今日完全冇怯场，冇紧张。”而阿Sa坦言出场前十分紧张，“虽然开演唱会都好紧张，但呢个系fans meeting， suppose就系同啲最熟、最friend嘅fans见面，但唔知点解好紧张，可能系好耐冇见，亦都可能系咁样嘅形式嘅fans meeting真系第一次。平时开演唱会，你哋喺好远，呢度大家系好close，可能咁样就有少少紧张。”最后二人逐一跟fans hi bye，首场见面会在温馨气结氛下结束。