【曾智华专栏】动作感知搞掂筋骨劳损

新年大家族团拜，见到“侄女W”，咦，乜成个Fit晒，容光焕发，与去年判若两人？

W长年坐办公室，须穿高跟鞋出出入入搏杀，四十出头已周身筋骨劳损，又坐骨神经痛，又五十肩，兼且手机、电脑用得多，领埋肩周炎与腕管炎，N咁多奇难杂症筋骨问题，所以，去年团拜见佢面青口唇白，乌下乌下冇厘生气，周身“唔聚财”咁款。

当时基于个人经验，不停鼓励佢揾师傅学拉筋，边家边门边派都无所谓，总之就是日日做。

好彩佢听话。现代女性高级知识分子，点会通街边揾拉筋师傅？当然上网寻找国际级的理论。终于畀佢揾到一个名Feldenkrais Method的Awareness Through Movement（动作认知学习）的课程，立即报名。上咗几堂，果然有料到。有过筋骨问题者皆知，若遇上任何方法可以减低痛苦的，肯定“上瘾”，必有恒心、有规律地做。

小弟好奇，好想了解此方法背景，也上网查。咦，唔简单㖞，原来呢个认知学习，乃由以色列核子物理学家及柔道大师Dr. Moshe Feldenkrais设计。主因佢中年时遇上意外令膝头重创，之后利用对人类身体组成的学术研究，悟出一套能令膝头功能自我修复方法。此法后来正式命名为Feldenkrais Method，传遍全球，令不少患上神经痛症者，包括政要，得以痊愈。

“Uncle，其实每个人的体质及结构皆不同，故要特别度身订造一套动作感知模式，以达到复康能力的最佳效果。”

各位，有兴趣知多啲？WhatsApp 61627868揾Eva啦。