专栏│自己性别要由他人定义？

有冇谂过，忽然有一日，自己会被其他人“定义”你唔系男人/女人？经过今次奥运之后，我意识到一样嘢，就系唔好咁肯定以为自己系男人或者女人，咪以为自己胯下有多几両肉就可以肯定自己系男人咩？唔算，又或者自己“事业心”重就认定自己系女人，都唔一定，你自己讲唔算数，纵使你仪表出众，靓仔到好似魏浚笙咁，曾经纵横情场。呢啲统统都唔系证据，除非你做过基因测试，个报告话你系，你先有资格宣布你自己的性别。

在国内，网上小说和电影出现极大量的“穿越”题材，数量多到令人觉得智商有问题的程度。其中有部分，就系讲到主角“穿越”时代，附上另一个人身上，一觉醒来，发现自己不是自己，每个主角都会立即接受自己新的身份，完全唔会对自己有任何认知障碍，但在现实之中，若然忽然被人科学地“证明”你唔系男人/女人，我完全想像唔到可以点接受呢个现实？

非常同情那两位被拳击组织定义为非女人的运动员，作为那百分之一的异数，身体有XY染色体，在生长或样貌上会偏向男性，大概在成长过程中都唔会被人当女咁锡，大个咗更难找到男朋友，难得那个可恨的DNA出错，让自己在运动找到身为女人的喜悦和优越，都要被剥夺埋，会唔会太唔公道呢？马高