独家丨陈嘉慧靠睇playback提升演技 被批评唔听意见尴尬回应

有传将跟圈外人闪婚的陈嘉慧（Erica），在《你好，我的大夫》饰演性格自负的实习中医师“Cecily”，中文程度麻麻的她自觉最难是要经常黑口黑面。剧集监制方骏钊接受本报访问时，指她不太听意见，她尴尬表示多谢提点，又自爆靠睇playback鞭策自己进步。采访：杜杜 摄影：Stanley化妆:Ivymakeuphk

Erica强调绝对会听意见，而且自知仲有好多进步空间。

早前Erica跟圈外男友晒婚戒相流出，再传两人将于深圳行礼。

一向睇开中医的Erica，知道要演中医好兴奋，“可以偷师学嘢，调理埋自己。”但演落才知困难，“药材同穴位好难记，我中文唔太好，有啲字读都唔识读，好彩有顾问医师在场，可以即刻问。”另外，角色跟本人反差大亦好难演，“我平时唔系咁cool，越叫我唔好笑，越忍唔住笑出嚟，个焗蟹（忍笑）排行榜，我都排几前位置。”

Erica认为扮中医师应诊，要好自信把脉同讲症状都唔容易。

Erica跟吴伟豪演斗气冤家，她笑言好处可尽情打对方。

学识过滤负评

由2021年担正《爱上我的衰神》到《大夫》，Erica已成监制方骏钊爱将，对方赞她外形入屋兼可塑性高，但缺点是不太听意见。Erica听到监制评价后表现尴尬，“每个演员对角色有自己理解，并唔系硬颈，好多谢监制，佢系我伯乐，一直畀机会我试唔同嘅嘢，愿意同我沟通，畀好大自由度我，我会努力进步。”

监制方骏钊赞Erica有潜质，但要多听意见。

Erica于2017年艺训班毕业，2021年担正《爱上我的衰神》跟胡鸿钧有咀戏。

近年受力捧的Erica表示最困难是调节心态，面对负评不要被打沉，就算赞赏亦要提醒自己，“要学识过滤，真系做得唔好就要改，唔好影响之后演出。另外听到人赞会打咗强心针，但都提醒自己唔好自满，要鞭策自己进步。”所以她坚持睇playback，“拍《衰神》时监制提我，现场冇咁多时间，会返剪接房睇，边度好边度唔好，情绪连得啱唔啱，有时唔记得上一场做咗啲咩，可以提醒返自己，咁样做真系好大帮助。”

Erica认为有视后蔡思贝助阵，演绎上有唔明即问。

只得27岁的Erica若然真的闪婚，未知会否影响星途。

《星岛头条》新网站有更多精彩内容：http://www.stheadline.com/