李幸倪加盟英皇 新歌形象大变身

（星岛日报报道）李幸倪（Gin Lee）去年约满环球唱片后决定离巢，当时曾盛传她将会过档英皇娱乐，但一直未有定案，昨日终于正式宣布好消息，Gin Lee正式加盟英皇娱乐，而为了新一年全程投入音乐，她更将大马的家人接来香港定居，Gin Lee坦言今次决定重大，亦很满意“转会费”。
李幸倪出道13年，决定今年踏出一直以来的舒适圈。问到签约新公司的契机，Gin Lee表示接触过几家不同公司，在整个过程中，她觉得英皇娱乐诚意十足，同时亦跟她的理念一致，“我觉得最重要系大家嘅方向同理念一致，接触过咁多家公司后，EEG同我嘅方向系最接近，方向好清晰，大家有共识未来嘅方向。”
接父母来港居住
除此之外，Gin Lee表示高自由度亦是她签约原因之一，“新公司俾好大、好大嘅自由度我，特别系音乐同形象上面，完全系100%信任我！令我觉得好舒服。另外，亦都可以同好多唔同嘅音乐单位合作，好有新冲击。好似我首新歌，终于等到时机可以同Wyman合作。大家嚟紧可以留意我新歌与形象，都会有好大嘅转变。”新一年新开始，为了全程投入音乐事业，Gin Lee更将家人从马来西亚接到香港居住，“以往喺香港工作，都会担心喺马来西亚嘅屋企人生活成点？虽然会打电话同face time，但始终自己唔喺佢哋身边，都会有担心，现时接咗佢哋嚟香港住，我就可以投放晒精神喺事业上，所以今次其实系一个好大嘅决定。”提到“转会费”，Gin Lee直言满意，“当然唔系单单因为酬劳，系所有配套，系一个整体嘅package。”
Gin Lee又谓虽然加入英皇娱乐只是一段短时间，但她已感觉到，无论是艺人还是同事已像大家庭一样。问到最想跟公司的哪一位艺人合作？Gin Lee坦言希望可以跟公司不同的艺人合作，“无论喺音乐上定系电影上，而且好多歌手都认识咗好多年，一直都冇机会合作，所以希望嚟紧同大家有多啲交流。”
英皇艺人齐声欢迎
对于Gin Lee加入EEG大家庭，艺人们都十分开心并有望合作。容祖儿：“好高兴Gin加入EEG大家庭，好开心公司又多一名猛将。我都好欣赏佢，我都有留意佢嘅歌㗎。”张敬轩：“好开心Gin加入公司，之前一直都无机会合作，现在可以谂吓大家有咩crossover，我知佢平时都有作曲，希望将来有机会唱到佢写嘅歌。”蔡卓妍：“公司多一名实力唱将加入梗系开心啦，希望佢嚟到新公司可以感受吓我哋大家庭嘅温暖。”古巨基：“我觉得Gin系一位好有才华嘅女歌手，除咗唱歌好听，自己仲识得作曲，好开心佢嘅加入，希望有机会合作。”