44岁杨思琦罕有讲神秘老公爱的举动 靠两招维持异地夫妻关系讲心唔讲金
现年44岁的杨思琦入行初期与李泳豪挞着，2011年突然宣布分手，有指她当时搭上内地跳水运动员吴帅，更未婚产女做单身妈妈，由邻家少女变成负评如潮，遭观众唾弃。情路坎坷的她在2019年突然宣布嫁圈外结婚，兼再诞下一子，结婚近4年，老公身份至今依然相当神秘。最近杨思琦接受内地传媒访问，提到当年做单亲妈妈、卖啤酒等负面新闻外，更罕有提到神秘老公。
相关阅读：盘点8本中女写真 杨思琦身材Fit过选港姐 50+女星完美驾驭半裸喷血床照
【点击睇杨思琦靓相】：
提到当年做单亲妈妈，负面新闻不断，惨被观众唾骂，杨思琦表示：“当时我会觉得好无奈，因为人生、感情唔系样样嘢都咁顺畅，只不过我系一个艺人就大肆报道，之后再放大加以创作。当时我又冇澄清，因为我唔想越描越黑，最清楚嘅人就系我自己，外界点睇我唔紧要。唔要呢个BB咩？我觉得唔可能㖞！”杨思琦认为现在女性经条件变好，做单亲妈妈亦绝无问题：“而家女仔条件好咗、经济能力好咗，反而想揾嘅对象有啲结咗婚，有啲都有对象，僧多粥少，未必遇到个啱嘅，唔系佢想去走呢条路（单亲妈妈），系大环境吖嘛，做乜要归咎自己？”
杨思琦在2019年结婚诞子，终于遇到真命天子的她认为一切都是天意：“我觉得系天意，因为我系宅女，个个约我都唔出街，直到有一日朋友话食饭，推咗几次，后尾我就去啦，去完就认识，之后慢慢沟通，好开心遇到。”婚后丈夫亦爱屋及乌，对杨思琦女儿视如己出：“一齐之后都有考虑佢会唔会接受到，咁佢又OK冇问题，佢锡我嘅囡囡好似自己个女咁。爱屋及乌，我自己嘅小朋友、家人，佢都系好爱锡，我完全冇担心、冇顾忌。”
被网民指是“拜金”的杨思琦，她坦言择偶不会算经济能力：“我都冇拣要经济能力𠮶啲，最紧要个人好，如果佢心地唔好、对你唔好，佢有冇钱都系一样，就算我工作上有唔顺畅、佢唔系圈内人，大家分担到、沟通到。我觉得同佢真系好夹，就算我长期在内地工作，见唔到，佢都好体谅。”之后她更分享经营维系异地恋心得：“第一，要互相信任；第二，要有交带，主动同佢分享，沟通日常生活，咁佢就好安心，知道你将要做啲乜嘢，咁佢就唔会担心。”
另外，杨思琦早曾酒吧演出，被指做“啤酒妹”，她在访问中解释：“艺人好多时被邀请出席活动，商演、酒吧等，唔知点解话我惨到要卖啤酒，我真系要平反，𠮶个表演要我揸住啤酒影相，咁就俾人话我卖啤酒。𠮶阵有呢个新闻，搞到有啲人唔敢揾我演出，拍影响生意。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
