钟培生预告折磨林作 谂定疯狂庆功

　　(星岛日报报道)今年三月，钟培生出价100万元酬金向林作挑机，两人口水战足半年，《培生擂台：无敌杯We are Champs》在后天星期六晚举行！百万擂台之战共有五场赛事，其中《造美人》Kathy仔和《口罩小姐》Ollie都获邀出赛，早前两女在钟培生设有擂台的家中切磋，原本老友鬼鬼的两人甫上台即出力互揪，搏到尽！

　　被封“抽水王”的林作今年年初因为在“富三代”钟培生（Derek）的YouTube频道中“挑机”，留言“抄我100万？”辣㷫对方，两人之后连番网上口水战，最后钟培生不忿林作所言，决定开盘100万元要求林作和他上擂台对打，爱出风头的林作当然“未惊过”，还积极揾教练进行特训！

　　钟培生直言自己赢面大，不过拳赛当日会慢慢折磨对方，他更计画定怎样庆功。钟培生：“庆唔庆功宴，我觉得要首先Focus返个拳赛，打赢咗之后先再决定，我唯一要做就系要专注，搞好场show，同埋打好呢场拳赛，点样庆祝呢就系疯狂咁饮酒同饮汽水，我都好耐冇饮过，因为我好耐冇饮酒同汽水！”

　　“林钟一战”虽已够晒绰头，但钟培生仍邀请张致恒（Steven）和YouTuber Jason（大J）对打，钟培生直言想畀机会张致恒让大家重新认识他。钟培生：“其实人谁无过？佢又唔系做咗啲死罪嘅嘢，佢都系养屋企、养佢嘅小朋友，证明返一次佢系一个男人，几励志！我都同佢讲今次邀请佢唔系想做佢新闻，我只系想香港人再一次信任你，我希望Steven都冇呃我，会努力操！”钟培生亦给予比市价高的出场费给张致恒：“出场费都唔少，佢都需要养家，我可以讲今次所有拳手嘅费用系比市场价高出好多，因为想大家双赢，酬金都一定比市场价高！只系想大家一心一意搞好场show，可以证明俾人睇香港人都可以做到一个国际嘅盛事。”

　　《造美人》的Kathy仔与《口罩小姐》的Ollie，今次获邀请在擂台斗一番，早前两人亲临钟培生屋企切磋，Ollie投诉Kathy仔经常出口术：“我哋都想打大家好耐，不过我哋平时系分开练习，会比较集中！不过我知道Kathy系一个出口术好奸诈嘅女仔！佢会扮晒嘢话唔好打头、好惊呀，跟住趁我唔为意就一嘢好大力打我！”面对Ollie的踢爆，Kathy仔：“系呀！认住我！”