【聪心说】如心与夫常互写遗嘱“旧时飞机好危险”

   陈振聪撰写的《聪心说》揭露了龚如心生前与丈夫王德辉为了生意经常各自乘飞机出外公干，事前二人都会预先写下一纸遗嘱交给对方保管，待对方平安返港后便会撕掉。如心笑说：“旧时啲飞机好危险㗎！飞飞下随时跌落嚟！”振聪不解地问：“咁点解又写又撕呢？”如心称：“有张遗嘱，𠮶阵觉得唔好意头嘛！”王德辉有一次堕马受伤，他忽然觉得人会死，便写了份遗嘱给她，并表示：“如果我死咗，身家性命，都系畀晒老婆，乜人都无，又无仔女，又好憎老窦为人，不务正业，细佬唔关我事，系我老窦性兴奋之后嘅结晶品，同我一啲关系都无，老婆就系我自己拣！”（明天待续）

　　如心说：“王德辉写给我的遗嘱，其中一张写了＂one life one love＂这句话，其实是王德辉每日都会对我说，是他的‘口头禅’，你都没有对我这样说过！”振聪指：“这句话是王德辉拿了专利，我那句是"I love you more than I can say"嘛！”如心指振聪：“你学歌词，你那么多人要love，又只有一条命，怎么会对我one life one love呢？”

　　陈振聪忆述，九七年五月当他如常到华懋总部见如心时，看见她呆坐在大厅沙发上，动也不动，手上好像拿着什么在看，走到她背后，轻拍了她一下肩膊说：“看什么如此入神？”如心说：“一早就听到你入嚟啦！你睇下，细心啲㖞！”她递给我一张中文报纸，并说：“麻烦事嚟喇！”她指着报纸下半版的“寻人启事”，原来是寻找王德辉的启事，他问如心：“是你刊登的吗？”如心一手拉着他步入睡房，他发现房间满地都是文件，牀上又堆满不同颜色的文件夹。

　　如心说：“系佢老窦刊登的，七年了，应该系呢一两日，王德辉失踪咗满七年喇！”振聪指：“佢地知道有我嘅存在咩？”如心紧张地回答：“当然唔知啦！o依家最好唔好畀佢哋知，费事夜长梦多！”振聪奇怪地问：“咁佢哋打算搞什么？”如心表示自己早已询问了律师，“登咗报纸广告，梗系揾唔到人，咁样佢哋就可以话王德辉失踪满七年，向法庭申请王德辉已经死咗，咁咪可以同我开始争夺华懋囉！”

　　“无乜时间㗎喇！打仗嘅嘢，话打就打，我知道好耐之前佢曾经同我闹交嘅时候，写过分遗嘱畀佢老豆，之后佢话要取消，我就话由佢啦！无几耐，佢又话写过分畀我，有一次我跟王德辉去骑马，佢堕马受伤入了医院，佢忽然好认真觉得人会死，所以话真系要写份遗嘱畀我，我咪叫佢自己搞，我唔理，之后佢就交畀我一个密封好的公文袋，我要揾下，一时间我都唔记得系咪放入夹万内！”如心瞪大双眼说：“o依家就系要揾返份遗嘱出嚟，但我记得份遗嘱封死，其实都未必睇得，可能要由法庭拆开先睇得。”

　　振聪又奇怪地问：“你又话王德辉好憎佢老窦，点解佢又写份遗嘱畀佢老窦？”如心解释：“𠮶阵时有个男人对我好好，王德辉系个醋精王，又话要打人，又去闹人！”振聪插咀说：“系男人都系醋精啦，我都唔会例外。”如心用右手大力拍他的大腿说：“你去死啦！讲到我咁随便，人哋约我食下饭，我又贪玩，最怕闷，有人陪我行下街，不知几好，佢个黐线佬，唔知朋友定系私家侦探，竟然跟踪我，仲影埋相，好紧张咁，啲相咪两个人系餐厅出黎囉，激到我死，我咪同佢讲，唔信我，倾都唔驶倾，一于离婚，于是我就执嘢走囉，费事睬佢。”

　　如心称：“佢咪为咗激我，写张遗嘱畀佢老窦，话畀我知，以为我会好紧张，佢真傻，我走快两步添啦，结果佢咪又求又拜，死晒狗咁，男人就系咁架，龟头龟尾，呢件事，我就觉得佢无种囉，之后有几十次话要改番张遗嘱，做就唔驶讲啦，我就叫佢唔驶改，我话我随时会走佬，我睬佢都傻，反正大家都无谂过会死，唉！又点知会搞到今日咁！”

　　振聪听后说：“你一定好爱佢啦！我都有点醋意。”如心指：“我嫁得畀佢，点会唔爱佢呢？我都跟王德辉表明好憎佢老窦，我都唔钟意自己细佬妹，阿妈我就有啲尊重，话晒我老窦死得早，不过王德辉唔知点解，特别憎我细佬，我都唔钟意我细佬，阿妈一向偏心呀！”如心表示：“王德辉分人特别孤独，近乎有点病态，阿妈同细佬妹嚟我哋家，佢都黑口黑面，有次仲出嚟泼水，搞到我鬼咁尴尬。”

　　如心说：“佢老窦每次嚟都系要拿钱，佢阿妈就无乜野，佢阿妹就痴痴哋……我一个人食得几多，讲真句，我一日都驶唔到一百蚊，就系激气佢家人出啲咁嘅手段，又唔开心见诚，同我好好商量下，想入公司做，就应该一早求下大佬，入嚟学嘢！”如心有点激气地称：“华懋系我同王德辉创立的，关王家屁事呀，o依家就跳出来，唔通仲要我低声下气同佢哋倾，要我咁样，揾把刀架住我条颈，以我嘅脾气，咪叫佢哋一刀杀咗我算啦！”

　　“其实好早之前已同王德辉倾过，如果畀人威胁，大家都不要屈服，所以个次绑架，我咁急于筹钱赎佢，佢都唔知几嬲，我系好紧张佢，否则我都唔会提出同啲贼讲，用我去换王德辉，等佢去筹钱赎我，佢办法多啲嘛，当时我一个女人，都唔知点好。”振聪见如心有点激动，便用手轻轻扫如心的脸颊。

　　如心叮嘱振聪说：“龚家亦没有人对华懋、对我同王德辉的生意出过一分力，而且王德辉讨厌佢哋每一个人，尤其系我弟弟龚仁心，是千真万确的事，我一直都好清楚，既然他这么认真写在遗嘱内，我就一定要确定，如果我他日死了，华懋不可以落在龚家手上的，但王德辉就没有说过我不可以把华懋交给其他人，他给了我，我喜欢给谁都行，只要不是王家及龚家就行了。”