Tag: 星爺講波
【星爺講波 31】歐國盃決賽：西班牙對英格蘭 長勝軍大戰不敗獅
講聲勢，英格蘭先贏一仗，呢幾日關於佢哋嘅消息比西班牙多何止一倍，例如捧盃可以得折合約1億港元嘅獎金；英格蘭飛柏林機票短缺，即使私人飛機機票漲價至折合約18萬港元都一票難求；比寧咸肩傷食止痛藥頂埋決賽；賴斯承諾捧盃飲人生第一杯啤酒；英隊決賽輸波修夫基都獲續約⋯⋯場內場外都咁精彩，好睇過戲。
【星爺講波 30】患癌艾歷臣：修夫基60年來最佳領隊 連尼加犯眾憎隨時變過街老鼠
不講、不講，還需講，英格蘭入歐國盃決賽後，隨之而來關於英隊嘅話題四方八面湧至，星爺諗住平衡一下，想搵下西班牙隊有乜好料同大家分享，點知摷咗好耐都冇乜好發現，低調到一個點，仲以為西班牙一早出咗局！
【星爺講波 29】修夫基創歷史吐烏氣抵讚 英超市提早打烊撐國家隊
距離2024歐國盃決賽只有三日，隨住兩支冠軍戰球隊先後誕生，話題當然集中喺呢兩支球隊身上，昨天就講咗西班牙16歲新人王耶馬，今日就輪到幾乎做得佢爺爺嘅英格蘭統帥修夫基。
【星爺講波 28】耶馬橫空出世驚艷球壇 奉勸虛心受教免虎頭蛇尾
嚟到歐國盃第28日，焦點之一梗係最終冠軍花落誰家，到底西班牙會唔會由頭帶到尾成為四屆盟主，抑或荷蘭一搔36年之癢再奪冠軍，或者終於被英格蘭恨到首次捧走歐國盃，答案仲有幾日至有分曉，但今屆球壇最大發現已經有無可爭辯嘅答案——耶馬！
【星爺講波 27】四強火併：英格蘭勝在人腳經驗 荷蘭攻強守弱有破綻
兩軍晉級過程都帶幸運成分，而運氣除咗反映喺場內，亦反映在走線。同處下線嘅英荷，避開咗另一條線嘅勁旅，包括世界排名第二嘅法國、攻力最強嘅東道主德國、最有冠軍相嘅西班牙，另外仲有比利時、葡萄牙兩支歐洲一線球隊，間接提高殺入四強或決賽嘅機會。
【星爺講波 26】四強火併：西班牙開火超強勢進襲 法國好整以暇以守代攻
經過咗26日共36場比賽，今屆歐國盃戲肉正式開始，明天率先上演首場四強大戰，由西班牙火併法國，勝方將會跟後日另一場準決賽英格蘭對荷蘭的晉級球隊在7月14日的決賽爭奪冠軍殊榮。
【星爺講波 25】瑞士差半步突破樽頸 輸波贏尊嚴信有明天
星爺昨日表揚完球員(德國中流砥柱卻奧斯)，今日想讚下球隊，不過唔係愛隊奧地利，亦都唔係有冠軍相嘅西班牙，更加唔係再入四強嘅英格蘭，而係只要捱多十幾分鐘，就可以突破世界盃和歐國盃成績，歷史性殺入大賽四強嘅瑞士。
【星爺講波 24】德國救星卻奧斯知所進退 天生領袖當完美球員典範
2024歐國盃踢完今日最後兩場八強賽，四支準決賽隊伍就全部產生，西班牙和法國下周二(7月9日)率先火併，今日產生嘅另外兩支四強球隊就喺周三(7月10日)爭另一個決賽席位。
【星爺講波 23】八強會師：英軍逃過一劫喜迎瑞士 土耳其失猛將難抗荷蘭
歐洲足協喺呢兩場大戰之前宣布了重要決定，有人歡喜有人愁，歡喜嘅係奪標熱門之一嘅英格蘭，事關主將比寧咸雖然因十六強戰對斯洛伐克一仗入球後做咗「抓褲襠」的動作，最終只被罰3萬歐元及停賽一場但緩刑一年，換言之明天對瑞士嘅大戰可以上陣。
【星爺講波 22】八強會師：西班牙德國顛「鋒」對決 葡法「守」得雲開見月明
西班牙鬥德國，贏波一隊將會同尾場葡萄牙對法國嘅勝方爭決賽入場券。今場被稱為冠軍前哨戰並不為過，事關西班牙由初賽殺入八強，勢如破竹，上場更清風送爽4-1大破格魯吉亞，盡露冠軍相。至於德國揭幕戰便急不及待顯示爭標決心，5-1大勝蘇格蘭，上場同樣輕輕鬆鬆兩蛋贈丹麥晉級，充分顯示稱霸歐洲嘅實力。
【星爺講波 21】八強直路：超級電腦睇好西班牙捧盃 英格蘭腹背受壓前路滿荊棘
星爺嘅愛隊奧地利就不幸提早畢業，睇到佢哋對土耳其下半場追返一球時，星爺激動到成個從沙發彈起，到最尾1秒鐘頭槌中框，點知龍門雙手拍出，又激動到幾乎連電視機都掟爛！但成王敗寇，唯有講句時不與「奧」，下回請早，也證明要爆冷，除了有實力，運氣絕對好關鍵。
【星爺講波 20】最後八強：批評英軍陰霾不散 修夫基受壓考EQ
在十六強賽，「雙斯」——斯洛伐克和斯洛文尼亞就率先示範弱隊點樣可以打高一皮波。兩隊同樣在被睇淡情況下歷史性小組晉級，士氣達到超高點，先係斯洛伐克對住上屆亞軍英格蘭大部分時間都領先，如果唔係比寧咸補時最後一分鐘忽然從天而降射入世界波，斯洛伐克就完成歷史創舉。之後再有斯洛文尼亞百二分鐘力拒葡萄牙來犯，最後只係互射12碼輸波，絕對係光榮出局。
【星爺講波 19】十六強大戰：荷蘭發力羅馬尼亞有排震 黑馬奧地利可破土耳其
歐國盃歷史上首次出現小組4隊三仗同分，需要以得失球差和得球多少來決定名次，羅軍結果以較佳得球壓倒比利時得E組首名。但唔知好運抑或唔好運，荷蘭喺D組最後一場負奧地利，最後僅憑第三名資格晉級，羅馬尼亞就陰差陽錯下喺16強即刻對住整體表現不俗嘅橙衣軍團，過關難度不減反升！
【星爺講波 18】十六強大戰：法國比利時翻版世盃四強戰 葡萄牙遇斯洛文尼亞有暗湧
法國和比利時可謂難兄難弟，佢哋至目前為止嘅表現未見世界排名第二和三嘅霸氣，小組法軍1勝2和，屈居奧地利之後得次名出線，比利時仲驚險，小組4隊同分，靠得失球差至攞番個第二名出線席位。
【星爺講波 17】十六強大戰：英格蘭誓破斯洛伐克挽面子 格魯吉亞難阻西班牙向前衝
英格蘭決心超越上屆屈居亞軍的成績，然而小組賽雖然順利以首名資格出線，但一勝二和嘅成績同表現，國內球迷、名宿同球評家都唔收貨，口誅筆伐，因而引起教練修夫基、隊長簡尼強烈反應，一時間英軍陣營出現緊張氣氛。
【星爺講波 16】十六強開波：瑞士狀態佳意大利頭痕 德國遇爛打丹麥陷苦戰
休息兩日之後，歐洲國家盃明天嚟到第16日戰火重燃，展開十六強淘汰賽，一場定生死，必定刺激無比。打頭陣嘅第一日兩場比賽，頭場瑞士對意大利，尾場德國對丹麥。嚟到呢個階段場場戲肉，星爺覺得有時間嘅話，每一場都唔應該錯過。
【星爺講波 15】人機估波成功率計數AI:47%/星爺:69% 扒冷推介奧地利
比賽打咗13日，一共踢咗36場，AI估足36場，星爺估咗13場，如果只計勝、和、負嘅賽果，Al估中17場，成功率係47%，星爺則估中9場，成功率係69%。
【星爺講波 14】英軍首名修夫基照被圍插 反轉豬肚狂轟恐弄巧反拙
繼名宿連尼加、舒利亞日前開火，英格蘭完成分組賽並保住首名資格出線16強，以為可以耳根清靜番幾日，點知批評之聲陸續有嚟，最新加入「鬧名單」包括加利尼維爾和贊拿斯兩位前英格蘭國腳，前者指修夫基唔好再「嘥料」，浪費眾多天才球員，「阿歷山大阿諾特、彭馬、比寧咸、沙卡、馬恩奴、科頓——這些都是非常出色的天才球員，我們真的不能誤用這些天才，否則我們會非常後悔，修夫基也會。」
【星爺講波 13】歐國盃死亡E組大亂局 羅比斯烏隨時重演94世盃歷史
明日係歐洲國家盃分組賽最後一日賽事，同樣上演兩組共四場比賽，尾場F組捷克對土耳應該幾有睇頭，兩隊為咗爭次名直接出線資格應該會打甩髀。但E組嘅混亂形勢就更加精彩，星爺推介大家約埋幾個波友，搵定兩部電視或電腦或手機，同時睇住兩場波嘅戰況，保證睇到拆天。
【星爺講波 12】歐國盃分組賽開快車踢4場 C組英格蘭「內訌」 鬥斯洛文尼亞有隱憂
其實論出線變數，頭場D組會比C組大，事關除咗零分包尾嘅波蘭，暫列呢組頭三位嘅荷蘭(4分)、法國(4分)、奧地利(3分)只有1分差距，三隊都有機會直接首次名出線，但都有可能跌落第三位，尤其黑馬奧地利已見上力，隨時左右大局。