AK爆和馮允謙有新搞作

（星島日報報道）馮允謙（Jay）一連四場演唱會前晚在StarHall開鑼，他特別感謝父母來港支持，但湊大他的嫲嫲缺席令他感觸落淚：「我同嫲嫲講，將來開到演唱會，要請嫲嫲嚟睇，唱歌畀佢聽。好可惜兩年前因為疫情佢離開咗，為咗佢我寫咗首歌《給缺席的人唱首歌》。」

當晚江𤒹生（AK）擔任表演嘉賓，更透露將有新合作：「大家都知Jay是我偶像，我好鍾意聽他唱歌，很快我們會有新合作，係咩？到時大家就知！」豈料Jay說：「我知道未㗎？」AK拖着他的手說：「你知，我哋錄咗㗎啦！」Jay才恍然大悟，全場爆笑。