【康子專欄】冇嘢食，冇嘢買

看金鐘太古廣場，圖坦卡門的巨大複製頭像，正傷感《消失中的埃及魔法》（3月27日）。
　　
朋友智慧先生，一言警醒夢中人：「唓，埃及冇嘢食、冇嘢買，邊個肯去！」
　　
對對對。不只香港新一代，包括中國、日韓、星馬泰，以至歐美國家，哪一處不是文明富裕，營養過剩？
　　
旅行埃及，的確冇啖好食。他們不吃豬肉，沒有「和牛」，海鮮極罕，吃得最多的是羊和雞，仲要餐餐BBQ，熱氣。
　　
其他主食，還有烤包及鷹嘴豆。試問新時代年輕人，吃慣有機食物及綠色蔬菜，腸胃嬌嫩之極，怎能適應？
　　
更無甚可買之物。土產永遠是迷你金字塔/獅身人面像/木乃伊/法老皇/后等等，造型認真，不夠QP，追不上現代消費精神。
　　
在當地，其實最扺買是地毯。混合真絲與茄士咩，柔軟中閃耀華麗光澤，價廉物美（伊朗人認為非正統，不入流）。
　　
可是他們多數買來，為宗教祈禱。加上香港氣候炎熱潮濕，家中有多大張掛/地毯，有多大煩惱，即使圖案織工更精美，也不管用。
　　
穿戴方面，忠於中東色彩，永遠是頭巾、面紗、長袍。時款包包及購物袋欠奉。可能適合回教國家遊客，但肯定吸引不到香港師奶。
　　
如此這般，數來數去，只能參觀五千年古跡，欣賞那些死無可死的木乃伊乾屍，冇好嘢食，冇好嘢買，安排你坐熱氣球升空，又驚丟下來跌死。
　　
可憐我們百忙中的假期，竟這樣被消耗掉！難怪大家寧願去泰國。
　　
另一個近似的旅遊點是「希臘」。又是文明古國，又是上一代必去，又是新一代嫌棄（電影《媽媽咪呀！》2008年/2018年）。理由同樣是「冇嘢食，冇嘢買」，罪大惡極。
　　
話之你「靈氣逼人」。　　
　　
歷史太久遠，沒新意思，自然趕客，這方面中國反而積極振興，讚。