【高清專欄】埋嚟睇，埋嚟揀

俗語所說的「夜市」，是指在晚上的「買賣」。特色是品種繁多，無論百貨用品，或者是海鮮美食，都包羅萬有，這才稱得上夜市。

香港上月搞的夜市，貨物的品種寥寥可數，比一間7-11還有所不如，難怪遭市民垢病徒有夜市之名，而無夜市之實；高清在上月初，在本欄說「廟街才是夜繽紛」。

話口未完，政府忽然放聲氣，說下月會推行「廟街夜市」，實難寄以厚望。

本來呢，從善如流是好的，但官方竟然說，下月推行的廟街夜市，要嚴格限制聲量，不可太嘈吵，並加倍人手巡查，嚴防夜市的噪音云云，官方實在是堅離地。

大凡夜市，必有叫賣之聲，叫得最響亮的「六字口號」是「埋嚟睇！埋嚟揀！」這句以廣招徠的口號，必然被禁，夜市若變成圖書館那樣「靜英英」，那還算是夜市嗎？

若有江湖賣藝，必然是敲鑼打鼓，鑼鼓聲一響，立即吸引遊人圍觀，賣藝者心中細數觀眾的人數，達到足夠的數目，自然會有徒弟出場插科打渾，再由師父出馬，大喝一聲：「伙記慢打鑼，打得鑼多鑼吵耳，打得更多夜又長，小弟路過貴境，為酬謝街坊捧場，今日的萬應跌打藥，全部免費奉送，想要就舉手，自會一一奉送…」。

江湖賣藝的慣技是「免費奉送」，目的只是使圍觀者耐心等候，人數越聚越多，才正式展開其推銷術，甚至還說今晚贈醫施藥，人群起哄，噪音必多。

如果嚴禁噪音，睇相佬都冇生意了，須知相士例牌大喊：「相不睇不發，薑不磨不辣，不妨下馬問前程…」

所以話呢，嚴禁嘈吵，夜市怎能活起來，動起來？