【高清專欄】阿Sam免費賣廣告

港產片的全盛時期，一部電影，票房收入可高達幾千萬，但廣告宣傳的費用也高得驚人，尤其是電台電視的廣告費，一兩百萬是頗為「寒酸」的開支，難收宣傳之效；大賣廣告的話，小本經營的電影投資者又負擔不起，但歌神許冠傑卻有一條絕橋，可以免費賣廣告。

先回顧一下許氏兄弟的電影片名「鬼馬雙星、天才與白痴、半斤百両、摩登保鑣、最佳拍檔大顯神通、女皇密令、千里救差婆……」每部電影的片名，都是該部電影主題曲的歌名，歌詞之內，重複多次唱出片名歌名。

「派台歌」送去所有電台，音樂節目和點唱節目日播夜播；電視台如E.Y.T之類的節目，更有大歌星直播演唱，播放和演唱之頻密，千萬之資告費亦大有不如。

售賣唱片的店舖，通常開大音量播放熱門歌曲，只要你經過唱片店，必會聽到「我哋呢班打工仔…點會有半斤百両咁理想？天才與白痴，你痴定我痴？我幫你搵錢，你幫我清倉，最佳拍檔……」每句歌詞，都似是提醒你快去購票入戲院。

廟街的夜市，賣唱片的攤檔由街頭至街尾多不勝數，置身其中，耳朵充滿「做老千好搵過皇帝……鬼馬雙星怕現形」。一時之間，香港的大街小巷，電視電台全是許氏電影的片名，大聲呼喊出來，即使你不買戲票，也會買一張唱片；不買唱片，也會識唱，在家中唱，浴室唱，去卡拉OK都照唱，連你都幫許氏賣廣告，仲係冇廣告費收的義工添噃。