激情橋段浪接浪　陳煒陳自瑤女女Kiss？！

無綫劇《巨輪II》造就出高天鷲此出位奸角，其後好戲停不了，緊接下來有將於下周一首播的台慶劇《幕後玩家》，新劇有靚人靚衫靚場景之餘，更有不少激情橋段。

《幕》劇中，陳煒（煒哥）與陳自瑤（Yoyo）大膽上演女女Kiss，兩位人妻吻下來豁出去，傾力演出。至於男女Kiss方面，都有不少攬攬錫錫劇照，先有情侶檔黃翠如同蕭正楠，翠如BB一招箍頸激咀蕭正楠，一定拍得零舍享受。但另一張劇照又有黃宗澤同翠如BB着住婚紗情深一吻，難怪之前正印男友蕭正楠受訪時呷醋指：「開頭講冇呢場戲，又話係借位。」而主角之一張繼聰，亦與劉佩玥發展感情線，總之人人有份無限Kiss！