張敬軒學陳奕迅戴口罩搭港鐵

張敬軒（軒仔）出席「愛．傳遞微行動港鐵禮讓運動」活動時，笑言曾經搭港鐵遇見有女生忙於補妝不慎春光乍洩，不過他即時擰歪面，未知對方是否靚女，因為通常睇人的視線由下而上。

至於網上平台不時有上載港鐵上紛爭的片段，軒仔覺得只要多為人著想及加強個人修養就可避免，更直言有搭港鐵。他說：「陳奕迅同我講過落車戴個口罩就去搭港鐵，有時塞車去做騷，我哋唔想遲到。我好期待南區線港鐵通車，因為居住單位快約滿，有意找南區地方，所以有港鐵的地方會方便好多。香港人無論買樓投資或買任何物業，跟住有港鐵買就得。」

對於相隔4年後今日推出新碟，軒仔坦言唱片工業轉變，所以要貴精不貴多不同以往密集式推出，並謂新碟以7位數（以百萬計）打造。他說：「依家實體唱片式微，今次投資好多錢做隻碟，希望多返人買實體唱片，雖然今次有5首歌，但等同做10首歌。」談到英皇電影打造100億電影大計，他坦言未有興趣執導，首先做好演員本份，不過除了做音樂外有時間也想拍電影，本身也有戲癮。（攝影：鄺芷瑩）