Donald受傷不忘搞笑　搭救護車學港女Selfie

商台DJ Donald（唐劍康）遇襲後接受兩位拍檔少爺占及毫子的電台節目訪問親述事發經過，期間不時發揮搞笑本色：「我第一次坐救護車，同港女一樣即刻selfie（自拍）。」

Donald表示同行的Colin先被襲擊後，已即時追住襲擊者，但襲擊者不夠8秒已從的士車尾箱拿棍向他施襲：「我發覺我隻左手唔同咗，長咗，知道甩咗骹。我坐底深呼吸睇吓有冇暈。」他指有一對休班救護員經過，即時為他們包紮。

他笑言自己猶如港女一樣：「我第一次坐救護車，同港女一樣即刻selfie，我仲同救護員商討使唔使帶口罩，因為（醫院）有好多記者。」他更指醫生為他打石膏前要求為他先打麻醉針：「我同醫生講，個頭穿咗縫針可以唔打麻醉針，但隻手真係好痛，幫我打麻醉針。」他又指翌晨回家要剪爛衣服才能脫掉。