呂爵安同佘詩曼打牌竟指視后完全冇氣場？大爆對方有睇《造星》好支持
呂爵安（Edan）今日（24日）以大使身份到元朗出席美妝品牌開幕儀式，吸引了過百「爵屎」（粉絲暱稱）到場。活動上，呂爵安透露最近正練舞，稍後將為MIRROR新歌拍MV，而3月他亦將會推出個人單曲。
相關閱讀：盜月者丨張繼聰 白只靠兄弟情入戲 與MIRROR成員合作讚不絕口
呂爵安直指「三料視后」佘詩曼冇氣場？
呂爵安受訪時表示不知道今日是元宵節，可能晚上會跟家人吃飯，對於MIRROR將推出英文歌，他指今次找來外籍排舞師，舞蹈上會和以往不同，跳得更出力，所以體力上會要求較高，雖然早前中了COVID，但幸好很快復原，所以沒有問題。呂爵安又特別點名大讚柳應廷（Jer）排舞出席率最高，是練得最多的人，所以大家都叫他大師兄，至於solo歌方面，呂爵安透露是一首慘情歌，他指其實籌備已久，自己也希望能儲多些歌曲，等開演唱會的時候不需要唱太多別人的歌。
呂爵安被要求露八月十五找數
提到早前表示《盜月者》票房4,000萬時露八月十五找數，今日也有爵屎叫他「還債」，問呂爵安現時票房已達2,000萬是否會先露一半？他笑說：「我幾時有講過八月十五係咩？好搞笑嘅係我前幾日無聊睇返啲《I SWIM》舊相同片，咁啱日期又係8月15日，啲人笑話係咪咁樣當找數？啲人話驚我走數，我係有承擔嘅人，4,000萬再算啦！（練定股肌？）點練？睇吓點啦！」至於有甚麼方法再催谷票房，呂爵安指除了謝票外，最有效的方法就是靠口碑，令未睇的人也會入戲院觀看。
想叫吳君如開戲與佘詩曼合作
呂爵安最近與「三料視后」佘詩曼合照，他指當日是跟吳君如拜年，當日更與柳應廷及「肥仔」梁業一起跟佘詩曼打牌：「好開心，最後好似係阿Jer同肥仔贏，但阿佘超玩得，細個睇佢啲電視劇，冇諗過可以同佢同場打牌，呢件事好神奇。（冇俾佢啲氣場震懾？）完全冇氣場，超Nice！」呂爵安指打牌時也有向佘詩曼傾偈取經，不過又取笑阿Jer食不到糊發脾氣扁嘴。問到佘詩曼是否識唱他們的歌曲？他指對方說有看《全民造星》：「呢件事都好得意，佢好supportive，好多謝佢，（傾吓合作？）唔夠膽講，呢啲唔係我話事，如果有機會當然好，因為佢係好有經驗好犀利嘅演員，大家又咁啱識咗，通常同前輩合作會驚因為有氣場，但佢完全冇，希望有機會，叫君如開套戲啦！」
其他文章：
姜濤認有偶包貼鬍鬚照太「樣衰」秒刪 呂爵安氹盧瀚霆4000萬票房正面露股
48歲TVB視后與MIRROR世紀合照！一臉嬌羞交足戲 爵屎激讚回春可演Edan女友
汪明荃獲女神孖人氣偶像上門拜年 曾與羅家英豪宅客廳小提琴二胡Jam歌
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E