獨家丨周國豐首揭被梅姐狂鬧黎明怒插DJ內幕 廣播界31年收埋大量紅星秘聞

53歲周國豐成為《中年好聲音》評判「周老師」後人氣急升，吸引唔少fans翻煲他的舊歷史，就連在網上節目「爆響口」：「梁榮忠好似結咗婚」都成為焦點。從事廣播事業31年的周國豐大爆電台秘聞，除首度揭露被梅艷芳拍枱鬧爆內幕；又大爆「金句王」黎明跟已故DJ蔡齡齡吵大鑊真相，單單都好Juicy。採訪：方騫平 攝影：譚志光 場地：鮨勘驗@海港城

做了30多年港台DJ的周國豐，目前人氣最厲害。

 

周國豐人氣急升。

 

周國豐從事廣播界31年，收埋大量紅星秘聞。

 

講返喺哥哥身邊狂嘔最尷尬。

 

周國豐又爆，當年袁詠儀同張智霖拍拖唔被睇好；梁詠琪就因「奪麵雙琪」事件，曾經喺佢節目中爆喊，喊住解釋個人立場。

 

《中年好聲音2》進入14強白熱化階段，評判之一的周國豐有份把關，他以多年來聽歌經驗及對音樂嘅認識，向參賽者剖析有冇錯誤理解歌詞內容及唱錯感覺。當問到心水選擇時？周國豐坦言偏愛素人：「因為素人有無限發揮空間，可以睇到佢哋進步；相反做過歌手嘅會有包袱，唔容易突破自己。」他寄語參賽者應該珍惜台上傷心及感動位，就算爆喊對演繹抒情歌都會有幫助。

大會評判周國豐為《中年好聲音2》把關。

 

出任《中年好聲音2》評判嘅周國豐，對參賽者有要求。

 

周國豐做評判嘅《中年好聲音》奪台慶「最佳綜藝節目」獎。

 

周國豐跟評判肥媽、伍仲衡、張佳添及主持人車婉婉好老友。

 

食完嘢就齊齊為《中年好聲音2》出力。

 

周國豐日前在網上節目中「爆響口」，指梁榮忠好似結咗婚都成為焦點。

 

《中年好聲音》周吉佩後來居上封王。

 

梅姐兩次主動道歉
周國豐由19歲開始擔任港台DJ至助理廣播處長位置，最難忘是被梅艷芳拍枱狂鬧：「梅姐係1998年《十大中文金曲》『金針獎』得主，我負責歌星統籌，由於『老細』多次要求更改表演項目，仲要改到飛起，去Band房探班，再向梅姐提出要改啲乜…事隔26年仍然好記得當時嘅梅姐好㷫，惡到癲，嬲到震，仲拍晒枱指住我狂鬧『轉來轉去，唔要個獎喇』，第一次見佢咁嬲及咁惡，真心好驚，好彩有倫永亮打圓場，佢向我打眼色示意我先離場，最後各讓一步成事。不過，綵排期間我都盡量避開，唔敢再去惹佢，直至完場後梅姐主動跟我道歉，叫我唔好嬲佢。」其實梅姐曾先後兩次跟周國豐道歉，包括做直播節目甩底，至節目完結後3小時才致電認錯：「佢直認係唔知醒，欣賞佢嘅坦率性格，我好尊重佢。」

梅艷芳曾兩次向周國豐道歉。

 

周國豐同梅艷芳、劉德華「集郵」。

 

哥哥面前狂嘔失儀
提到「金針獎」，周國豐再想起一單𤓓事：「翌年張國榮(哥哥)攞完『金針獎』，去完港台慶功宴後再有私人慶功宴。哥哥喺慶功宴上好熱情咁斟靚紅酒招呼我，因為之前我喺港台慶功宴飲得太多啤酒，溝酒後不勝酒力，出晒事，「我坐喺哥哥身邊飲酒，突然湧上一道氣，好似開水喉咁狂嘔，好彩及時擰轉身冇嘔向哥哥，但真係樣衰到爆，朦朧中仲聽到王菲大笑聲，哥哥不單冇藐爆我，更叮囑朋友幫我抹乾淨，第二朝仲來電追問『你冇嘢呀？』自此留有陰影，唔敢再溝酒飲喇。」 

周國豐眼中「哥哥」張國榮好有大哥風範，譚詠麟就出名好人。

 

曾跟王菲同台合唱。

 

黎明原來曾經有火
當年黎明(Leon)係周國豐節目常客，每次兩人見面都「互窒」好似嗌交，「其實我哋只係鬥嘴，大家關係好好，唔傷和氣，從來冇嗌過交，反而有次Leon接受港台一台《開心新航線》訪問，面對蔡齡齡大堆發問時，Leon竟火爆質問『有冇做準備？』，兩個你一句我一句『嚟料』(吵架)。」黎明被封「金句王」，周國豐眼中的Leon，對答亦非常出色：「印象最深一次，節目中我跟客席主持陳淑蘭追問Leon，有名有利仍想追求甚麼？佢虛無縹緲回答『想要月球上一根草！』嚇到採訪嘅傳媒鴉雀無聲，最後蘭子頂唔順話：『雖然愛你，但唔知你講乜。』，翌日呢個訪問變成娛樂版頭條新聞。」 

周國豐曾為黎明2000年歌迷會聚會做司儀。

 

兩人經常在節目中鬥嘴炒熱氣氛。

 

跟黎明好老友。

 

同昔日拍檔蘭子仍常聯絡。

 

周國豐也曾跟蔡齡齡主持《娛樂滿天星》，一齊訪問Beyond。

 

另外，之前姜濤在《共創明Teen》活動上唱《蒙著嘴說愛你》甩嘴，遭網民狠批「咪嘴」。作為活動製作顧問的周國豐為姜濤平反：「件事對佢唔公平，因為佢嗰朝8點幾經已現身綵排，如果要咪嘴唱歌，就唔使咁早嚟綵排啦，其實要讚佢係好認真對待件事。」

周國豐為姜濤於《共創明Teen》「咪嘴」事件發聲。

 

潮人張栢芝以hip hop打扮現身直播室做嘉賓。

 

好有power的周國豐邀得梁朝偉、譚小環及黎瑞恩做港台廣播劇。

 

周國豐跟張學友及陳奕迅都好老友。

 

睇住謝霆鋒大。

 

鄭少秋係《第29屆十大中文金曲頒獎典禮》金針獎「得主」。

 

周國豐和一班樂壇新力軍參與「太陽計劃」活動。

 

周國豐參加《第十屆新秀歌唱大賽》時跟參賽者溫兆倫同台較量。

 

 

1991年周國豐曾參加過《第十屆新秀歌唱大賽》，當時選唱李克勤《月半小夜曲》。

 

周國豐𠵱家變身飲食旅遊KOL。

 

童年周國豐奪過朗誦獎。

 

周國豐胞兄周勤才係香港有名嘅中文科補習天王，比他年長15年。

 

周國豐小時候奪過唔少獎項。

 

當年周國豐係港台《跨國業餘DJ》亞軍，冠軍得主郭偉安(中)。

 

周國豐同才女利嘉兒戀情最轟動，舉行婚禮後唔夠3年分開。

 

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E