陳奕迅提早與歌迷慶祝49歲生日 「吹神」玩足四小時：好耐冇同咁多人講嘢

今個月27日是陳奕迅（Eason）的49歲生日，不過因為他要出發舉行巡迴演唱，於是昨日提早與香港歌迷慶祝生日。陳奕迅砌了四個蛋糕，其中兩款是他最喜愛的味道，另外一個是他最喜愛的網球扑扑蛋糕，還有一個是由叉燒油雞燒鵝脾蔥油飯蛋糕，搞到陳奕迅忍不住瘋狂拍照！

【相關閱讀】：陳奕迅歌神魅力驚人！再攻台北小巨蛋僅7分鐘賣晒7萬張門票 會否加場有回應

【點擊睇陳奕迅生日會現場照】：

在歌迷聚會上，不少歌迷向陳奕迅表示會飛往台北睇騷，令陳奕迅十分驚訝，其後有歌迷詢問除了美加外，是否還有其他站？陳奕迅笑言：「有傳聞係話囉，傳聞由佢傳下先啦，總有『 近近哋』嘅地方，嗰度實會做，點會唔做？不過大家唔好信傳聞消息，等留意官方公告，唔好亂信非官方單位代購門票，否則容易受騙。」

期間陳奕迅提早砌四個蛋糕，兩款是他最喜愛的味道，另外一個是他最喜愛的網球扑扑蛋糕，還有一個是由各種他喜愛燒味而砌成的中式叉燒油雞燒鵝脾蔥油飯蛋糕，創意十足！陳奕迅忍不住拿出電話不停同蛋糕拍照，吹蠟燭許願後，第一時間把燒鵝脾拉出來即食。談到生日願望，他笑說：「講咗出嚟就唔靈啦，但其實人愈大他自認追求愈少，最希望都是身體健康，巡迴演出順順利利，如果可以再貪心，老土啲就希望世界可以和平健康，冇戰爭與疾病。」

很久沒有與歌迷近距離見面

歌迷們亦送了不少禮物給他，例如有為他在加拿大的ALBERTA（艾伯塔）種的49棵樹，又有來自世界各地歌迷拍影片祝福，祝願他每日可以開開心心做自己喜歡的事，吩咐他不用擔心太多，大家永遠支持做他的後盾。而每位入場歌迷也各自寫了一封信給他，大家把信件統統放進大型「係咁咦」利是封內，陳奕迅更即場玩「捐山窿」，捐入大利是封裡面抽出歌迷信來讀出，場面非常搞笑有趣，聚會完結前，陳奕迅向大家說：「大家畀我嘅信，我會返去慢慢睇。今日真係非常之咁開心，我會開心好耐，因為好耐好耐冇咁近距離見大家，好耐冇同咁多人吹水，我會將呢個開心帶去台北，今日攞晒你哋啲力量，到時你哋發覺陳奕迅喺台北唱得幾好喎！你哋就知道，係你哋有份畀力量我！本來就去台北，心情都好緊張，依家冇咁緊張啦….多謝大家！」

此外，葛民輝亦有現身生日會，並且現場為香港歌迷做開箱，第一次展示由他設計的《Fear and Dreams 演唱會》重量級紀念特集BOX SET，葛民輝表示，這BOX SET 將作限量出售，重約7kg，每個BOX SET都帶有NFC功能玻璃證書，絕不能翻版，而除了書中二百多頁Fear and  Dreams演唱會的台前幕後花絮照片外，還可以用手機放上盒上，直接連線再觀看其餘數百張未印製出來的照片，極具紀念價值。BOX SET 亦附有一對手套，讓擁有者打開時，先行戴上，手套是用特別質料打造，猶如開箱珠寶一樣，讓大家以一個極具儀式感進行觀看這些珍貴照片，以示對這些精美藝術印刷的一種尊敬及保護。

【相關閱讀】：

陳奕迅廣州巡唱填詞人被改名惹爭議 經理人甘菁菁：與該主辦方即時終止合作！

陳奕迅與女子街邊撐枱腳後老婆連環放閃 徐濠縈露勝利微笑獲讚識玩

陳奕迅大馬騷後去平民小店貼地食宵夜 粉絲半夜逼爆門外場面極墟冚