張敬軒42歲牛一獲陳卓賢請食飯 笑「模特賢」征服全間餐廳

張敬軒去年邀請MIRROR成員陳卓賢（Ian）擔任演唱會嘉賓，二人因此成為好友。今日是軒仔42歲生日，老友Ian亦有為軒仔慶生，昨晚，二人齊齊於社交平台上載型仔合照，相中見他們分別以黑色和白色西裝上陣，官仔骨骨，Ian更戴上眼鏡，造型相當斯文，更擺出Chok爆甫士。

Ian寫道：「好開心小弟可以同張總慶祝24歲生日」，而軒公則表示：「多謝陳總同幾位摯友的生日晚餐，窩心又感動。人大了開心到想哭，願一切真摯的友誼都會青春常駐，」軒仔更笑言Ian的眼鏡Look已征服全間餐廳。不少粉絲都心心眼留言大讚型仔，更追問二人幾時再有合作機會，就連軒仔亦忍不住大讚Ian是「模特賢」。