即時娛樂
2023-01-26 22:22:07
陳慧琳去年車禍後首復工 自爆面部未完全消腫仍需時間康復
陳慧琳（Kelly）去年12月與與大仔劉昇由司機接送離開何文田加多利山大宅，在落斜時於嘉道理道與對面線一輛私家車迎頭相撞，兩車車頭損毀，司機及所有乘客均送院檢查，當時Kelly及13歲兒子報稱面部擦傷，三人均送往廣華醫院，事後Kelly經理人鍾珍回覆《星島頭條》表示指Kelly並無大礙，只是皮外傷，臉部和手少許擦傷，腳少許撞瘀，Kelly大仔面部亦有少許瘀傷。Kelly亦在IG發文請大家放心，她表示：「大家睇到新聞唔好嚇親，放心，我冇事呀！只係皮外傷，休息吓就冇事！多謝關心。」小休後的Kelly終於現身社交平台，不過她坦言面部仍未消腫，因工作早已接下，唯有抱住樂觀嘅態迎接。
【點擊睇Kelly受傷後首曝光的相片】：
陳慧琳與大仔在去年12月發生交通意外。
陳慧琳與丈夫育有兩子。
陳慧琳乘坐的座駕於嘉道理道與對面線一輛私家車迎頭相撞，兩車車頭損毀，司機及所有乘客均送院檢查。
Kelly曾留言報平安。
Kelly 9月貼相慶祝50歲生日，依然少女味濃。
陳慧琳早前行玩具店被網民野生捕獲，在網民鏡頭下亦完美凍齡。（圖片來源：FB@TOY ZONE HK）
日前張松枝貼出與Kelly拍《對你太在乎》MV的合照，網民驚嘆二人樣貌如當年一樣。
陳慧琳在新加坡音樂節表演，以重新編曲的《花花宇宙》開場，狀態大勇！
早前陳慧琳去睇草間彌生展覽。
一樣大騷美腿。
最近Kelly在酒吧唱歌的片段在網上流傳，Kelly身後的男士疑似就是她老公劉建浩。
有幸合唱的網民顯得既緊張又興奮。
有幸與偶像合唱的網民都希望Kelly可以盡快開騷。
今次是Kelly受傷後首度發文。
其實唔算好浮腫。
依然好吸引人！
好性感！
KEEP得好好！
Kelly話新一年最緊要出入平安。
仲係好靚！
今次是Kelly受傷後首度發文，她寫道：「車禍後第一個photo shoot，塊面未完全消腫，仲有啲乸，我知道需要時間康復，但係時間唔等人，而這個工作亦是撞車之前已經接咗，冇辦法唯有抱住樂觀嘅態迎接工作。」她續指道：「懷著戰戰兢兢嘅心情踏入Chopard 太子大廈旗艦店，一入門口就見到王丹妮喺度影緊相，成個團隊同我打招呼，Hello…心諗佢哋好似見唔到我達撻（疤痕）喎⋯⋯Yes，過咗第一關。接着Chopard 同事攞出一盤盤剛到港嘅珠寶，WOW極速唔記得咗自己仲有受傷。唔知係唔係兔年行好運嘅關係，竟然鏡頭出嚟好靚喎，遇上好嘅攝影師、好嘅燈光、好嘅場地，極速超額完成！最後，大家兔年吉星拱照，最緊要出入平安！！！！！！！！！」