馬詩慧曾因大女出櫃滿腦疑問難接受 全靠一個「窿」改變思路令關係變得密切

王賢誌（Vinci）監製及主持的 J2真人騷《仔仔一堂 》已經播映到第五集，王賢誌今次邀請了馬詩慧（Janet）為烹飪比賽試食及評分，順道以過來人身份，分享大女王曼喜坦承出櫃經過。對於當日大女出櫃，自言是傳統媽媽的馬詩慧實在有點難接受：「我都係自己嘅仔女結婚生仔，佢初頭唔係話畀我知，係我自己感覺到，嗰陣佢喺美國返嚟成日用電腦，都係同女仔傾偈，跟住我就問佢，佢初頭都唔認，直到有一日話自己係鍾意女仔，我有問佢係咪肯定？之後仲叫諗清楚先，可能只係呢個階段，遲啲會鍾意返男仔！」

【相關閱讀】：王賢誌自爆曾喜歡吳家樂 結婚六年談出軌：大家同意就唔算

【點擊睇王曼喜婚禮】：

馬詩慧表示當時腦海湧現了很多問號，王賢誌更覺得以他所認識的馬詩慧，似乎不太似會有這個反應的人，馬詩慧不諱言連她自己都不懂得解釋：「我好多同志朋友，我覺得佢哋好Nice，好Talented，可能係嗰個點，未接受到呢件事會喺個女身上發生。」反而老公王敏德完全接受：「我都唔知點解，如果我啲女著啲裙短啲、啲褲短啲哩，佢就『喂喂喂，話畀佢哋聽唔好著咁短呀，太低胸喇。』反而呢樣佢覺得冇問題！」來全靠一個「窿」，令馬詩慧突然想通，過程更是相當神奇：「有次我去做Massage，張床咪有個窿嘅，喺個窿度突然之間有人同我講：『你要開始去接受呢樣嘢，因為呢樣嘢會影響到你同你個女嘅關係。』我做完按摩之後就覺得要Let Go喇，我個女已經大個，應該有自己嘅生活，有自己愛嘅人，有自己嘅選擇。」

後來馬詩慧用行動證明，全家關係變得更為密切：「依家佢嘅 Partner，已經係我哋嘅family，就算佢以前嘅ex，我都當佢係家人，所以成個感覺好 Warm。王賢誌聽完後深表認同，他稱有父母的支持實在很重要，可以為自己嘅身份同所行嘅每一步，都係覺得冇後顧之憂！10仔仔不約而同地被Janet的說法而感動，在節目中人氣高企的Andrew，談及母親多年來一直未能接受自己同志身份而感到難過：「我媽咪覺得我個Gay Identity，係我唯一嘅Identity，Even我讀書叻，我搵到工，但我係Gay嘅，咁都唔夠好啦。」

同樣未能獲取父親支持的Juzco，則全靠一手湊大自己的嫲嫲給予支持及力量，才能樂觀地繼續追求真我，Juzco說：「我爸爸喺我讀中學時，突然之間拉我埋一邊問我係咪鍾意男仔，佢話：『如果你係，我可以帶你睇醫生』。嗰時我好驚，我讀緊中二、中三。我知佢背後接受咗好多閒言閒語，對佢嚟講都係唔開心或者壓力。」至於Ray及HoHo，亦分別獲得家人無限量支持，真性情的HoHo談及全靠母親的愛才能多次走出「自我懷疑」黑洞時更數度哭成淚人，場面感人。