張天賦聽日26歲牛一有兩日假放 要為紅館Show減肥呼籲唔好送蛋糕

明天（1日）26歲生日的張天賦(MC)今日到銅鑼灣出席水晶品牌活動，大會更送上蛋糕賀壽，現場Fans就大唱生日歌，搞到MC有點尷尬。

將有兩日生日假期的MC指最近忙工作，較少時間跟家人及朋友見面，故打算趁假期約食飯及開party慶祝，不過因要為明年1月舉行的紅館演唱會減肥，故已事先聲明叫大家不要準備蛋糕，而MC亦感謝fans為他舉辦了一系列的生日應援，令他感覺很滿足。

提到生日願望，MC表示希望能善用每分每秒：「自己之前可能成日掛住玩，或者好懶惰咁攞嚟瞓覺，浪費咗好多時間，如果可以轉化成做音樂嘅動力，可能就會有多啲作品，或者可能已經可以彈得一手好琴，希望自己定立多啲目標亦可以盡快完成。」問到是否想有女友，MC就表示順其自然：「唔係話要有就有，以事業為重。」至於是否希望在即將舉行的樂壇頒獎禮上得到好成績？MC說：「如果要有好嘅成績就必須要努力，所以（期）望下年，（今年放棄咗？）未去到放棄，不過希望下年會做得好過今年。」MC又透露已開始為個唱做準備，更表示剛開完騷的好兄弟洪嘉豪亦有提醒他，準備的時間愈多愈好，所以他亦希望能爭取多點時間做準備。