陳可辛「登六」吳君如中門大開任睇唔嬲 自爆因一首歌：一世就咁畀佢搞掂咗
前日（28日）是導演陳可辛「登六」的大日子，吳君如為老公舉行了一個生日派對，邀請了由80年代到新世代的藝人好友出席，場面極度星光熠熠！其後吳君如在IG限時動態一口氣貼了多段生日會的片段，見她穿超性感透視裝登場，中門大開笑言要「Free the nipple」，連陳可辛都忍唔住望吓老婆，「驗明正身」之後搞笑話：「返到屋企慢慢嗒啦！」有份參加生日會的皆是影壇巨星，片段中可見有：古天樂、鄭秀文、任達華、甄子丹、呂爵安（Edan）和ERROR等人到場，最難得是柏安妮同囡囡、邱淑貞同三個囡囡、以及曾華倩同阿仔都有現身，真係充滿驚喜！
【點擊睇星光煜煜陳可辛「登六」生日party】 ：
難得一班朋友聚首一堂，個個都當然玩得好鬼high，陳可辛仲自彈自唱娛賓，又同囡囡陳是知合唱，之後仲拖實吳君如即場放閃，原來《Always On My Mind》呢首歌同君如有一段故：「喺1993年嗰晚導演會司儀係吳君如，彈完結他之後，我哋落咗JJ（夜店），就同佢雞唔斷，咁就一世喇，畀佢搞掂咗！同一年張之亮搵咗喺《搶錢夫妻》唱呢首歌，我唱嗰陣係諗住妳唱。」喺側邊嘅吳君如梗係感到眼紅紅，之後仲寫住：「I Love This長氣鬼！」
吳君如當年與陳可辛的戀情，大家都十分錯愕，甚至不被睇好，但兩人相愛接近廿年，更有了女兒陳是知，一家三口生活幸福愉快，唯獨就是君如不願簽下婚書正式成為陳太，陳可辛曾經在內地節目上表示，不願被婚姻束縛並不是自己︰「其實不想結婚的是她，不是我。我求婚了，是她不願意接受。」其後君如接受另一節目訪問，亦有提到不婚的原因：「因為我覺得兩個人，根本不是一紙婚書，不是一張紙，那張紙是一個懷念。」有了這份信念，即使在2013年，一位名為田樸珺的女子在網上公開一篇文章，聲稱與陳可辛私下二人認識超過十年，但近兩年絕交了三次的由來，似要向正印君如下戰書，君如在自己的微博出帖還擊︰「不用理會甚麼閨蜜或龜蜜，反正我知道他的心（和財產）歸me！哈哈哈！」