鄭伊健自爆私下少唱歌冧老婆 與樊亦敏重聚讚對方keep得好

鄭伊健現正在紅館舉行演唱會，今日（24日）下午也特地抽空出席活動支持「香港血癌基金」，他說只是出少少力，加上活動場地與紅館鄰近。演出了幾場，伊健坦言疲累：「冇諗過攰，好開心反應非常好，要儲備能源完成最後幾場。（太太特地日本來港支持。）應該啦，這幾年演唱會她都在身邊打點一切，我只做騷，其他事唔識安排。（她陪老爺睇騷。）要靠她吧。（演唱會上唱歌冧太太。）唔記得咗啦。演唱會『自肥』，encore做自己想做嘅事。（私下有否唱歌冧太太？）私下少唱歌，打機多。（你是否浪漫的人？）不知浪漫的定義，我哋相處咁多年，唔可以用一件事來形容，總之我哋好開心。」樊亦敏與他相隔30多年重聚，伊健表示當年拍攝檸檬茶廣告相識，讚對方保養得好，又非常有心經常幫助人。完成演唱會後，伊健笑言要打機、飲啤酒和在郊外燒烤。