導演‧門丨張婉婷爆舒淇曾嫌棄同黎明拍檔 懶理反對堅持起用全因無辜感

ViuTV節目《導演‧門》日前播出一集邀請了張婉婷做嘉賓，節目上提到張婉婷與羅啟銳執導及編劇的《玻璃之城》，當年此片獲得12項香港電影金像獎提名，是不少影迷心目中的經典愛情片，劇中兩位主角黎明和舒淇的一段情，更加令人津津樂道！當年張婉婷起用舒淇一度惹起不少爭議，不過張婉婷說：「嗰陣舒淇係一個有爭議性嘅選擇，但係我都有約佢出嚟見面，我覺得佢無論做乜嘢片，有冇着衫都好，都有一種無辜，除晒衫都係清純女子，所以我覺得呢個做大學生會幾有趣。」

《玻璃之城》是黎明和舒淇的訂情作！

舒淇有一種獨特的氣質。

好清純！

陳奕迅當時飾演舒淇的丈夫。

原來開拍前兩人是不相識。

好襯。

舒淇與馮德倫結婚多年，一直都很恩愛。

好sweet！

張婉婷分享當年拍《玻璃之城》的軼事。

因為張婉婷的堅持，最終成就了黎明與舒淇這對黃金組合：「超級有火花，擺埋一齊，唔使點做戲」，不過原來當年兩人私下並不相識，男方曾表示欣賞女方，覺得她適合這個角色，但舒淇卻對這位天王巨星不賣帳，對導演說：「「咁你有冇問過我，我會唔會想同佢拍檔呢？」張婉婷忍忍不住笑說：「嗰陣舒淇只不過係23歲，我真係好崇敬佢，佢真係好勇，令我更加欣賞佢！雖然舒淇係冇黎明咁紅，但係都叫做係女主角，所以都應該問佢想唔想同黎明合作，」

為了令兩人更似情侶，張婉婷要求他們開拍前私下約行街食飯培養感情：「我冇同佢哋一齊，佢哋自己約，仲叫佢哋返香港大學，同飾演同學嘅演員見吓面，玩吓遊戲。」最終戲侶戲外都成為情侶。當時曾拍三級片和寫真集的舒淇努力轉型，但黎明的fans不太接受兩人的戀情，拍拖多年「外界有很多反對的聲音」，這段苦戀7年後分手收場，其後舒淇與馮德倫結婚，黎明在內地節目罕有地說：「別人都結婚了，就不必再討論。每個人都會有痛，沒有痛就不可能會在一起。」