鄧麗欣畫作被製成Tee義賣 叫人介紹模特兒畫裸男

鄧麗欣（Stephy）今日以「森林保護大使」身份出席慈善活動，她的畫作更印製紀念T恤作義賣。Stephy表示一直有畫畫的興趣，但今年更專注在油畫方面，因為顏色靚及變化多，現時作品已有10多幅。可有興趣開畫展？Stephy表示本來沒有，但將畫作放在社交網後也有人問她是否有興趣，但她就不希望「為做而做」，因為對她來說只是興趣，故希望能在放鬆的情況下畫：「有呢個概念，但未有實際諗法。」Stephy指平常較多畫動物和人物，有否畫過裸男？Stephy笑說：「我搵唔到對象，有冇介紹？裸體畫都唔係我專項，睇吓有冇人自薦先。」Stephy希望日後能將自己的畫作投放在自己的音樂或電影上。

另外，Stephy主演的電影《飯戲攻心》即將上映，她透露還有3部已完成的電影未上，笑言：「希望啲戲可以快啲上，有時真係攤得太耐，連自己都唔記得咗，同埋真係會有過時嘅感覺，拍咗嘅嘢都好想快啲畀大家睇。」Stephy又透露正在籌備電影工作，由於今次將會與別人一起寫劇本，所以要需要多花點時間創作故事。