細So偷食事件後低調回港幫側田開騷 心情靚爆惟對鏡頭警覺極高

商台前DJ蘇耀宗（細So）前年突然被踢爆，瞞着老婆陳頴楠（阿Wing）偷食人妻KOL練美施（Macy），兩人的婚外情關係更原來長達兩年半，細So多年來一直保持的好男人形象「一舖清袋」，難得阿Wing肯原諒老公，及後細So向商台辭職，兩公婆帶着兩個囝囝到英國展開新生活。雖然離開香港從新開始，但細So卻未有忘記DJ的工作，去年分別在Patreon及Clubhouse開設帳戶，收課金播音樂，而近日更低調回港出任好友側回即將於會展舉行的《側田第一秒音樂會》的創作總監。

回港試水溫尋工作機會

側田昨日（18日）在IG貼出跟樂隊綵排練歌的短片，片中不難發現見到坐在梳化的細So跟一位男士傾偈，雖然他戴上口罩，但仍見他笑容滿面，而對鏡頭的敏感程度極高，一邊傾偈之餘；一邊不時望實鏡頭，警覺性極高。有指細So今次回港只跟極少數朋友見面，表現十分低調，不過亦指他趁此行「試水溫」，希望有機會再次回港工作。