水原希子拋開被導演ME TOO陰霾 意大利瘋狂玩水Sell自家三點式

今年初，日本演藝界掀起#MeToo運動，不斷爆發性醜聞事件，當紅Model及演員水原希子亦大爆，4年前拍攝半裸廣告時，曾被多位男高層到場圍觀，令佢非常唔舒服。水原又曾喊住大爆圈中不少女星都曾遭受性搔擾，震驚各界。之後水原受訪時就揭發，著名製片梅川治男曾於她拍攝Netflix電影《彼女》時，突然要求她露私處演出，令她大感不適兼氣憤，因此決定勇敢站出來指證，希望可以改變行內風氣及為同行女星發聲。

水原唔怕被Cut Job，勇敢企出嚟的確好值得欣賞，同埋最重要水原Market好大，日本市場之餘仲有韓國同美國，仲有自己品牌，推出嘅少女味三點式同妹仔衫及頭飾都好受歡迎。7月尾，水原去咗美國紐約公幹，之後抽時間去咗墨西哥旅遊，然後再去LA，目前身處意大利，寓工作於四圍玩，見佢去咗唔少著名景點，如羅馬近郊的秘境怪獸公園  Parco dei Mostri，有靚海景又有靚天，著住自己品牌泳衣嘅水原瘋狂影相，浸喺水又影，坐石頭又影，沙灘奔跑又影，連踩單車都影，為賣廣告都好出力。