沈月著露肩裙慶21歲牛一 汽球鮮花圍住甜笑殺傷力驚人

54歲嘅邱淑貞係90年代港產片性感女神，一講起「海棠小姐」腦裡即係有畫面，雖然已淡出娛樂圈多年，但因為老公係時裝零售商I.T主席兼行政總裁，加上大女沈月被封為最靚星二代，經常被傳媒追訪，咁追得阿囡自然會提埋阿媽，所以邱淑貞曝光率都唔低㗎。

今年2月，沈月飛咗去首爾逗留近3個月，期間又出席時裝周同韓星如EXO的世勳和男星丁海寅等合照，韓國傳媒更以沈月的新藝名「Ayla（아이라）」來稱呼佢，當時盛傳佢已跟韓國經理人公司簽約，準備以藝名「Ayla」在韓國正式出道。不過之後沈月否認在韓國出道做練習生，她說：「『出道』可以意味著很多事情，但我真的沒有當練習生的計劃，只是享受做一個學生、模特兒、女兒、沈日和沈晨的姐姐、AKIO（其愛犬）的姨姨、客席編輯、臨時畫家、作家和業餘廚師。期待與你們分享我的生活熱情！謝謝你們的愛！」

除咗韓國傳媒對沈月有興趣，連台灣網民都突然關注佢，日前就有PTT網友分享「邱淑貞女兒，沈月-九尾狐！」的Cosplay照片，帖文一出即成熱話，直呼「真的超好看」、「我選女兒」。不過都有好多網友情傾阿媽，「邱淑貞比較讚」、「叫她媽過來」、「媽媽的基因被稀釋50%啊」。

話咁快沈月就21歲，今日佢就上載穿露肩裙等待切蛋糕嘅片段，場地佈置放滿汽球同鮮花，露出白雪雪膊頭嘅沈月好開心，拍住心甜笑望鏡頭，殺傷力相當驚人。

星島新聞集團慶回歸25周年專題網站，請即瀏覽