BTS休團成員各有各玩 V仔巴黎擁抱Eddie Redmayne Jin濟州罕晒背

超人氣韓團防彈少年團（BTS）於九周年大喜日子宣佈休團，成員將專注個人發展，但仍然會合作做綜藝，但要睇佢哋出Show就要等吓嘞。公佈消息後，成員都各自活動或享受假期，好鍾意睇藝術品及行博物館的隊長RM去咗歐遊，近日不斷上載歐遊相，見佢可以唔使戴口罩四圍去真係好羨慕。

 

RM剛去完歐遊回歸，去咗大量博物館嘅隊長叉滿電。

 

而首個單飛的成員J-HOPE將於7月29日發行個人專輯《Jack In The Box》，今日正式在官網開始預購，專輯冇實體碟，會以Weverse Album形式發售，歌迷要先下載Weverse Albums APP再用Weverse賬號或SNS賬號登錄就可以聽歌，新碟相當抵聽，只售9.75美元(約77港幣)。而J-Hope會於7月1日率先發行專輯的主打歌，7月15日就可以聽晒全碟嘅歌。日前，J-HOPE現身Tom Sachs展覽，同場有大量韓星，包括G-DRAGON、朴敘俊、崔宇植、鄭有美、柳俊烈、SEVENTEEN JUN及TXT休寧凱等，當日J-HOPE玩得好開心。

 

J-HOPE將於7月29日發行個人專輯《Jack In The Box》，但歌曲於7月15日就有得聽。

 

單飛專輯只售9.75美元(約77港幣)。

 

之前SUGA及J-HOPE一齊睇Tom Sachs展覽。

 

J-HOPE再單拖去Tom Sachs展覽。

 

同場仲有GD。

 

J-HOPE玩得好開心。

 

昨日（26日），Jimin去咗睇老友河成雲嘅音樂劇，而JK就撐老友SEVENTEEN嘅尾場演唱會，有Fans直擊見到JK企足4個鐘睇Show，完場仲入後台影合照。而大哥JIN就喺濟洲享受假期，仲百年難得一見佢露上半身嘅背面，目的就係晒左腰嘅BTS友情紋身，因為激罕晒背，算係JIN入行後最性感演出，吸咗逾千二萬個Like，個個跪求睇正面，大哥珍當然唔會睬你哋。

 

JIMIN(右)包到冚去睇音樂劇。

 

JK尋晚去咗睇SEVENTEEN尾場Show。

 

JK由開場企到散場足足4個鐘。

 

仲入咗後台大合照。

 

大哥JIN去咗濟州玩。

 

JIN剝衫晒背加左腰紋身，真係有今生冇來世。

 

露背圖吸到遇千二萬個Like。

 

最後隊中世帥V仔(金泰亨)同老友朴寶劍及BLACKPINK的Lisa，搭私人飛機去咗巴黎出席CELINE時裝Show，場地Palais de Tokyo周圍一早聚集大量Fans，Lisa及V一現身即引發震耳欲聾的尖叫聲，最後落車的朴寶劍都嚇親。穿著CELINE秋冬新裝亮相的3人，被全球媒體追訪，「TAEHYUNGxCELINE」、「LisaXCeline」等Hashtag火速佔據熱搜榜。

 

韓國空運到巴黎出席時裝展的V仔、Lisa及朴寶劍。

 

場館外圍滿Fans。

 

V仔着上新款冬裝。

 

V仔呢身打扮獲外媒高度讚賞。

 

Lisa及Eddie Redmayne。

朴寶劍及Eddie Redmayne。

V仔都有四圍去參觀。

奧斯卡影帝Eddie Redmayne亦是Fashion Show座上客，完場後佢同V仔見面，兩人傾咗兩句，V仔主動攬攬Eddie，睇嚟V仔英語能力好咗好多喎。Eddie於於3位韓星引起的哄動感到震驚，「瘋狂、絕對是瘋狂。我意思是我有聽K-Pop，他們都很出色。我曾與韓國女星金秀賢合作，她有向我介紹韓流。」T

 

V仔遇上Eddie Redmayne。 ​

 

星島新聞集團慶回歸25周年專題網站，請即瀏覽