侏羅紀世界統治霸權丨恐龍走勻全世界 演員瞓身推介:未睇過咁嘅動作片

《侏羅紀世界》第三部曲《統治霸權》(Jurassic World: Dominion) 盛世登場，《侏羅紀公園》和《侏羅紀世紀》兩大系列兩代主角，破天荒聚首一堂！

今次由首集導演哥連卓法羅再執導演筒，《侏羅紀公園》元老級人馬羅拉丹、謝夫高拔林、森尼爾更隆重回歸，與《侏羅紀世界》第一二集的新一代主角基斯柏特、拜絲黛麗侯活、奧馬司、黃榮亮、積提斯史密夫、丹妮拉皮內達等同台較量，加上多位當紅影視界紅星加盟，陣容絕對空前鼎盛。

劇情講述努布拉島毀滅四年之後，人類與恐龍在同一空間共存。人、龍之間原岌岌可危的局面，隨時失衡崩塌！人類究竟是在造物主宰世界，還是自取滅亡？恐龍是否會重新統治地球，再次成為地球霸主？睇預告及製作特輯可見恐龍已經遍佈全球，總有一隻喺左近，滑雪見到佢，游水又見到，基斯柏特喺古城遊走更被速龍狂追，睇到相當緊張，演員亦瞓身推介，強調未睇過咁嘅動作片，觀眾入場後必超乎想像咁話。

更多最新疫情資訊，請到以下專頁瀏覽 按此