COLLAR芯駖High爆登頂隊長Gao笑住話差啲碌落山

ViuTV女團COLLAR出道未夠一個月已經勁多Job，因為三月開處女Show，團員呢排都好努力練舞，不過忙中都要唞吓氣，所以隊中好姊妹隊長Gao及芯駖就約埋去行玉桂山。根據旅遊網站所講，「玉桂山路程雖然對行山新手來說有點困難，如果不介意手腳並用的朋友亦可以去挑戰。」

從Gao及芯駖嘅相可見，兩人明顯係新手，因為真係手腳並用，隊長話，「見到隔離啲阿叔行到好似平地咁，我就係地下爬… -.-」。隊長仲笑住話自己差啲碌落山，因為上山好難，所以芯駖好High，登頂後喺玉桂山嘅牌前郁身郁勢，以行動話畀大家知佢幾咁興奮。