江華落力帶貨賣珠寶 直播5個鐘成交不足100單

江華息影多年曾經轉行做保險，近年啪住老婆麥潔文開班教唱歌賺搵食，間中仲會登吓台唱歌，不過多年冇拍戲的江華似乎都冇戲癮，事關早前古天樂旗下的天下一電影開拍電影版《尋秦記》，佢都拒絕演出，話覺得冇必要用同一個角色拍續集，直言唔知電影版想表達乜嘢！

咁唔拍戲又冇台登嘅日子，江華撈緊乜呢？之唔係同好多港星一樣喺內地直播帶貨囉！日前江華在內地網上直播平台帶貨賣珠寶，足足賣咗5粒鐘，江華都好落力幾乎樣樣珠寶都戴上身試吓，最高峰有2000幾人睇，不過成交嘅生意就連100單都冇，銷情似乎有啲慘淡噃！

立即下載 | 全新《星島頭條》APP : https://bit.ly/3yLrgYZ