港韓首個Online Fan Meeting 元虎約定Fans 15號見

去年退出韓國男團MONSTA X的元虎（WONHO），早前以Solo歌手兼製作人身分重新開始活動。他先在今年8月公開回歸先行曲《Losing You》，再在9月帶同第一張迷你專輯《Love Synonym (#1) Right for Me》回歸，並發布了主打歌《Open Mind》。受疫情影響，粉絲們暫時冇辦法見真人，不過元虎的Online粉絲見面會即將在11月15日下午3時舉行。由即日開始至11月15日，只要在有關商場消費滿指定金額就可以參加Fan Meeting，活動更是全港首個港韓合作的Online粉絲見面會，想同元虎見面就要把握機會嘞。雖然元虎出新歌已經有兩三個月，不過最近他就積極發展個人YouTube頻道「ohhoho 오호호」，搞作多多㗎。成日拍片的元虎今日上載咗最新片段大玩ASMR，食咗一堆邪惡「好西」，更一口氣食咗6個韓國十分流行的「炸醬浣熊麵」，成件事真係夠晒治癒。