古巨基對四個月大囝囝講洗手 Kuson以笑回應

古巨基上月在社交網站公開已為人父的喜訊，宣布太太Lorraine於去年底為他誕下囝囝Kuson，昨日（16日），基仔分享和囝囝的影片。

影片中，基仔不斷對囝囝說︰「洗手、洗手、洗手，洗手記得洗手。」約四個月大、肥嘟嘟的Kuson眼仔睩睩的望住爸爸，聽到爸爸不斷說話便出可愛笑容來回應。 

基仔留言︰「我問小Kuson有什麼想我代佢同大家講？我話如果我講中佢諗嘅，就用『笑』嚟示意啦～於是我就話：洗手洗手洗手記得洗手！跟住佢就笑到四萬咁口（不過冇牙又點四萬呢）！所以小Kuson 都提醒大家記得勤洗手！」

另外，基仔又表示：「古巨基醫療基金訂購了20萬個本地生產口罩將會稍後收到，收到後會盡快分批由義工團體送贈到老人家、低收入家庭及殘障人士等有需要的人士手上，大家繼續做好防疫措施，不要鬆懈，期待疫情盡快結束！當然，繼續呼籲大家非必要情況底下盡量Stay Home，以避免疫情蔓延及加重醫療系統負擔！」

c02